🥰விக்டரி கிங்கின் சிந்தனைத்துளி 2340🥰
ஏதோ பிறந்தோம் வளர்ந்தோம் வாழ்ந்தோம் என்பதல்ல வாழ்க்கை. "ஆளும் வளரணும் அறிவும் வளரணும்" அதற்கு நாம் முழுமையாக முயற்சி செய்து வெற்றி பெற்றால் தான் அது வாழ்க்கையின் முதிர்ச்சி. அறிவு வளர்ந்தால் பண்பு வளரும். அந்தப் பண்புதான் நம் வாழ்வை வளம் பெற செய்து நம்மை நேர்வழிப்படுத்தும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2338🥰
இரவு பகலாக கடின உடல் உழைப்பை கொடுத்து பாதுகாத்த நெற்பயிறானது, அந்த அறுவடை நாளான்று நல்ல மகசூலை ஒரு விவசாயி காணும் பொழுது அந்த மகிழ்ச்சியில் அவரது பிரகாசமானமுகத்தை ஒப்பிட வேண்டுமென்றால், கருவை வயிற்றில் ஒன்பது மாதங்கள் சுமந்து அடைந்த வேதனைகளையும் சுகங்களாக அனுபவித்து தன் உயிரையே பணயம் வைத்து தன் குழந்தையை பெற்றெடுத்த அடுத்த நொடியே குழந்தையின் அழுகுரலையும் முகத்தையும் பார்த்தவுடன் பரவசமுடன் மகிழும் அந்தத் தாயின் முகத்தோடு ஒப்பிட்டால் மிகையாகாது.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2337🥰
அடுத்தவர்கள்விஷயத்தில் தலையிட்டு அலசி ஆராய்ந்து அவர்களின் குறைகளை மட்டுமே காண்பவன் தன்னிடம் உள்ள குறைகளை மறைப்பதாக நினைத்து தன்னைத் தானே திருப்திப்படுத்திக் கொள்ளும் ஒரு யுக்தியே என்றாலும் அவர்கள் மனசாட்சி உறுத்ததிலிருந்து தப்ப முடியாது தங்கள் குறைகளை உணர்ந்து திருந்துவரை.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2336🥰
உண்மையாக இருப்பதால் தான் காயப்படுகிறோம், உரிமையுடன் பழகுவதால் தான் கோபப்படுகிறோம், நம் நேர்மை தான் நம்மை வெறுக்கச்செய்கிறது என்று வேதனைப்படாமல் உண்மை பெருமைக்குரியது, உரிமை புரிதலின் புனிதம், நேர்மை நம் கௌரவத்தை காப்பாற்றும் கேடயம் என்று சிந்தித்துப் பார்த்தால் இவைகளை ஒருங்கே பெற்ற நாம் ஒரு பாக்கியசாலி என்பதை உணர முடியும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2335🥰
இருளில் அமர்ந்து கண்ணை திறந்து கொண்டு சிந்தித்தாலும், மூடிக்கொண்டு சிந்தித்தாலும் நம் நிழல் கூட நமக்கு உதவிக்கு வராது. மன அழுத்தம் தான் மிஞ்சும்.நாம் வெளிச்சத்திற்கு வந்து நாலு பேருடன் பேசி பழகும் பொழுது தான் நாம் மன அழுத்தத்திலிருந்தும் விடுபட்டு நம் சிந்தனைக்கும் விடை கிடைக்கும். இதயமும் இதமாகி உடல் நிலையை சீர்படுத்தி நம்மை நலமுடன் வாழ வைக்கும்.
🙏 Victory King [Alias] V. Krishnamurthy(VK)🙏
🥰 விக்டரி கிங்கின் சிந்தனைத்துளி 2334🥰
அரிசி மாவில் புள்ளி வைத்து அந்த புள்ளிகளை இணைத்த அழகிய கோலங்கள் வீட்டு வாசலை அலங்கரித்து அதுபோல் வீட்டு உறுப்பினர்களும் அன்போடும் பாசத்தோடும் ஒருவருக்கொருவர் இணக்கமாகி மகிழ்ச்சி ஆரவாரத்துடனும் "positive vibration"உடனும் நாம் வசிக்கும் வீடு அமைந்து விட்டால்"positive energy" தானாகவே நம்மை சூழ்ந்து சொர்க்க வாழ்க்கையை நம்மால் அனுபவிக்க முடியும் பாக்கியம் இருந்தால்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2333🥰
ஒருவர் நம்மிடம் ஒரு பொய்யை உண்மை போல் சித்தரித்து பேசும் பொழுது அது நமக்கு பொய் என்று தெரிந்தும் "அப்படியா" என்று கேட்டு அவரை விட்டு நகர்ந்து விட்டால் அவர் மேலும் தனது புளுகு மூட்டையை அவிழ்த்து விடுவதிலிருந்து நாம் தப்பிக்கலாம். அதுபோல் அந்தந்த சூழ்நிலைகளை சமயோகிதமாக இடத்திற்கு தகுந்தாற்போல் "அஸ்திரத்தை" பயன்படுத்தி சமாளித்தால் மட்டுமே நம் கௌரவத்தை நாம் காப்பாற்றிக் கொள்ள முடியும். உணர்வோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2332🥰
நாம் விரும்புவதை அடைய முயற்சிக்கலாம். அது கிடைப்பதற்கு முன்பாகவே நாம் கனவுகளை வளர்த்துக் கொண்டு விட்டால் ஒரு சமயம் அது கிடைக்காத பட்சத்தில் அந்த ஏமாற்றம் நமக்கு மனச்சோர்வை ஏற்படுத்தி நம் முயற்சிக்கு முட்டுக்கட்டையாகிவிடும். எனவே எதற்கும் உண்மையாக முயற்சிப்போம் கிடைத்தால் வெற்றி இல்லையேல் மீண்டும் முயற்சித்து வெற்றிப் பாதையை நோக்கி செல்வோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2331🥰
ஒருவருக்கொருவர் புரிதல் இல்லாத வாழ்க்கைக்கு மூல காரணமே ஒருவர் மற்றவருக்கு செய்யும் மன்னிக்க முடியாத துரோகங்களும் அதனால் ஏற்படும் காயங்களின் ஆறாத ரணத்தினால் தான். குற்றங்களை மன்னிக்க முடியும். ஆனால் ஒருவரின் குரோதங்களும் செய்த துரோகங்களும் ஆழ் மனதில் பதிந்து நீங்காத நினைவாகிவிடுகிறது. அதன் வேதனை தான் விரக்தியும் விரோதமும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2330🥰
நாடக நடிகர்கள் மேடையில் வேஷம் போட்டு நடிக்கும் பொழுதும் அரவாரத்துடன் பாராட்டுவார்கள். நாடகம் முடிந்ததும் வேஷம் கலைந்த பிறகும் அவர்கள் திறமையைப் போற்றி பாராட்டுவார்கள். ஆனால் நிஜ வாழ்க்கையில் நல்லவன் போல் நடிக்கும் வேஷதாரிகளை அவர்கள் முகத்திரை கிழிந்ததும் அவர்களை தெரு நாய்கள் கூட மதிக்காது. இப்படிப்பட்ட வேஷதாரிகளை புறக்கணித்து வாழப்பழகுவோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2329🥰
மற்றவர்கள் குறைகளை அலசி ஆராய்ந்து நீதிபதி போல் நீதி சொல்ல முற்படுபவர்கள் மற்றவர்கள் தங்கள் குறைகளை கூறும் பொழுது வக்கீல் ஆக மாறி வாக்குவாதம் செய்து தங்களை பரிசுத்தமானவர்கள் என்று நிரூபிக்க முயற்சிக்கும் மனசாட்சியற்ற மனிதர்களை அந்த மனசாட்சியே அவர்களுக்கு நீதி புகட்ட வேண்டும் இல்லையேல் "காலம்"புத்தி புகட்டிவிடும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2328🥰
நம் வாழ்க்கையே ஒரு தொடர்கதை தான். அது பல பருவங்கள், நிகழ்வுகள், கொண்டாட்டங்கள், திண்டாட்டங்கள், என சுவாரசியமானது. இது சிலருக்கு நீண்ட நெடுந் தொடராகவும் சிலருக்கு குறும்படம் போல குறுகிய கால தொடராகி முற்றுப்புள்ளியுடன் முடியும். முடிந்த தொடர்கள் அடுத்தவர்கள் மனதில் நிலைத்து நிற்பதும் ஏதோ ஒரு தொடராக எண்ணுவதும் நாம் வாழ்ந்த வாழ்க்கை முறையை பொறுத்துதான்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2327🥰
ஒருவருக்கு பிடிக்காத செயலை செய்து அவர்களை வெறுப்பேற்றாமலும், ஒருவரின் எதிரிக்கு எதிரியுடன் நட்பு கொண்டு அந்த எதிரியுடன் உள்ள பகையை மேலும் உசுபேற்றாமலும், மற்றவர்களைப் பற்றி புறம் பேசி அவர்களின் சாபத்திற்கு ஆளாகமலும் வாழ்ந்தால் மட்டுமே நம் வாழ்க்கை சிறக்கும். இல்லையேல் நம் வாழ்க்கை "சுவற்றில் அடித்த பந்து தான்". அனுபவிக்க வேண்டியது தான்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2326🥰
"எதிர்பார்ப்பு"என்ற ஒன்று நம் மனதில் ஒரு ஓரத்தில் கூட இல்லாமல் வாழ்ந்தால் தான் நமக்கு நிம்மதி. என்னதான் அன்பையும் பாசத்தையும் திகட்ட திகட்ட நம் பிள்ளைகளை ஊட்டி வளர்த்தாலும் எதிர்காலத்தில் அவர்களிடமிருந்து நமக்கு கிடைத்தால் மகிழ்ச்சி. இல்லையேல் பிள்ளைகளுக்கு நம் கடமையைச் செய்த பெருமையோடு வாழ்வதுதான் எதிர்பார்ப்பற்ற பரந்த உள்ளம். ஆத்மத்திருப்தியும்கூட!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2325🥰
இரவும் பகலும் மாறி மாறி வருவதை நாம் தினமும் கண்கூடாக கண்டாலும் அது பூமியின் சுழற்சியினால் ஏற்படும் மாற்றங்களே. அதுபோல்தான் நாம் அனுபவிக்கும் சுகம் துக்கம் இன்பம் துன்பம் கஷ்டம் நஷ்டம் அனைத்துமே நம் வாழ்வின் சுழற்சியில் ஏற்படும் மாற்றங்கள் தான் என்பதை நாம் உணர்ந்தாலே போதும் இந்த நிதர்சனத்தோடு இணைந்து வாழ பழகி விடுவோம். தெளிவு பெறுவோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2324🥰
தன் குடும்பம் தன் பிள்ளைகள் என சிந்திக்கும் சுயநலவாதிகள் தங்கள் இறுதி காலம் வரை அந்த இருமாப்பிலேயே இருந்து காரணமே இல்லாமல் உறவுகளுக்கெல்லாம் ஊறுவிளைவித்த மனிதாபிமானமற்ற ஜென்மங்கள் தாங்கள் கெடுவதோடு மட்டுமல்லாமல் தங்கள் தலைமுறையும் கெடும் என்பதை உணராதது தான் வேதனை. இந்நிலைக்கு நாம் ஆளாகாமல் வாழப்பழகுவோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2323🥰
எந்தவித எதிர்பார்ப்பும் இல்லாத நட்பு, கைமாறு கருதாத உதவி, போலித்தனம் இல்லாத புன்னகை, உறுதுணையாக இருக்கும் உறவு போன்ற மனிதநேய குணங்கள் ஒருவரிடம் ஒருங்கிணைந்து அமைந்துவிட்டால் அவர்கள் இதமான இதயத்துடன் வாழ்நாள் முழுவதும் இன்பமுடன் வாழ இயலும். முயற்சிக்கலாமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2322🥰
ஒருவருடைய உண்மையான முகத்தை அறியாமல் தெரிந்தவர் பழக்கப்பட்டவர் என்று ஒரே காரணத்தினால் அவர்களுடன் உறவு வைத்துக் கொள்ளும் பொழுது அவர்கள் நம்மை ஏமாளியாக்கி நம் குடும்பத்தையே கூறுபோட்டு நம்மை தீராத மன உளைச்சலுக்கு ஆளாக்கி விடுவார்கள். எனவே நம் வாழ்வு சிறக்க "குணம் நாடி குற்றமும் நாடி அவற்றுள் மிகை நாடி மிக்க கொளல்" கடைபிடிப்போமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2321🥰
நகர்ந்தால்தான் நதிக்குஅழகு.
மலர்ந்தால்தான் மலருக்கு அழகு.
அதுபோல் தவழ்ந்தால்தான் குழந்தைக்கு அழகு.
நயமாக பேசினால் தான் சொல்லுக்கு அழகு.
பட்டம் பெற்றால் தான் பதவிக்கு அழகு.
பகிர்ந்து மகிழ்ந்து உண்டால்தான் விருந்துக்கு அழகு.
கூடி வாழ்ந்தால் தான் குடும்பத்திற்கு அழகு.
இவை அனைத்தையும் நாம் அனுபவித்து விட்டால்
நம் வாழ்க்கையே அழகுதான்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2320🥰
சில உண்மைகளை சொல்ல நினைத்தால் பயத்தில் 'நா' எழுவதில்லை சொல்லாமல் இருந்தால் நெஞ்சம் நெருடுகிறது, துணிந்து சொல்லிவிட்டால் ஏற்றுக்கொள்வார் யாரும் இல்லை என்று எண்ணி மன உளைச்சலால் தடுமாறாமல் உண்மையைச் சொல்லி நம் உள்ளத்தை தூய்மைப்படுத்திக் கொள்வதே மேல்!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2319🥰
மற்றவர்களிடம் இருப்பது போல் நம்மிடம் எதுவுமே இல்லையே என்று ஏங்குவதை விடுத்து நம்மிடம் இருப்பவை பல பேரிடம் இல்லையே என்று மாற்றி யோசித்தால் நமக்கு நிம்மதி. அதுபோல் இவர்கள் ஏன் இப்படி இருக்கிறார்கள் என்று புலம்புவதை தவிர்த்து அவர்களிடமிருந்து விலகி விட்டாலே நமக்கு நிம்மதி. எனவே நம் நிம்மதிக்கு மருத்துவர் நம் "மனமே"!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2318🥰
அலுவலகமாக இருந்தாலும் சரி, குடும்பமாக இருந்தாலும் சரி அங்கே கோள் முட்ட ஒரு கூனியும், காட்டிக் கொடுக்க ஒரு எட்டப்பரும், பிரிவினை ஏற்படுத்த ஒரு சகுனியும் இருக்க தான் செய்வார்கள். நாம் மிகவும் உஷாராக இருந்து புத்திசாலித்தனமாக அவர்களை இனம் கண்டு பழகினாலே போதும். நம்மை நாம் காப்பாற்றிக் கொள்ளலாம்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2316🥰
தவறு என்பது தவறி செய்வது. அதை அவர்களே அதை திருத்திக் கொள்வார்கள் அல்லது சொன்னாலும் புரிந்து கொள்வார்கள். ஆனால் தப்பு என்பது தெரிந்தே செய்வது. இவர்களை திருத்தவே முடியாது. அந்தத் தப்பையே சரி என்று சாதிப்பார்கள். அதுபோல்தான் பொய்யையே பேசி பிழைப்பு நடத்துபவர்கள் எப்பொழுதும் அவர்களால் உண்மையாக நடந்து கொள்ளவே முடியாது. உணர்ந்து பழகுவோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2315🥰
நம் தகுதியை உணர்ந்து அதற்கு ஏற்ப தகுதியானவற்றை யாரிடம் எதை எதிர்பார்ப்பது என்று சுயமதிப்பீட்டுடன் நாம் எதிர்பார்க்கும் பொழுது நமக்கு ஏமாற்றம் அதனால் ஏற்படும் மனவலியையும் மற்றும் பொறாமை, ஏக்கத்திலிருந்தும் நாம் விடுபட்டு இயல்பான வாழ்க்கையை நடத்த ஏதுவாகும். "Contented life is a continual feast".
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2314🥰
நம் பிள்ளைகளின் எதிர்காலம் சிறக்க நாம் நேர்மையாகவும் உண்மையாகவும் ஒழுக்கமாகவும் பிறரை ஏமாற்றிப் பிழைக்காமலும் ஒற்றுமைக்கு இலக்கணமாகவும் வாழ்ந்து காட்ட வேண்டும். அவர்கள் ஆழ்மனதில் பதிந்தது தான் அவர்கள் வாழ்க்கை பயணம். அவர்கள் நல்லவராவதும் தீயவராவதும் நம் நடத்தையில் தான்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2313🥰
உணவை சமைத்து பரிமாறலாம் மேலும் வாயில் ஊட்டிகூடவிடலாம். அதை மென்று சாப்பிடுவது மட்டுமாவது நாம் செய்தேயாக வேண்டும். அதுபோல் இறைவன் நம் முன்னேற்றத்திற்கான வழியை காண்பிப்பதுடன் வாய்ப்பையும் கொடுக்கும் பொழுது அதை முறையாக பயன்படுத்தினால் மட்டுமே வெற்றி பெரும் வாய்ப்பு என்பது நமக்கு கிடைத்த வரப்பிரசாதம். உணர்வோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2312🥰
உறவோ, நட்போ எதுவாக இருந்தாலும் சரி மேலோட்டமாக பார்த்தால் மிகவும் அழகாகத் தான் தெரியும். ஆனால் நெருங்கிப் பார்க்கும் பொழுது ஏதோ ஒருவிதக் கட்டுப்பாடு இருந்தே தீரும். எனவே இருக்கும் இடத்தில் நாம் நீக்கு போக்குடன் நடந்துகொள்ள பழகி விட்டால் எங்கிருந்தாலும் நம் வாழ்க்கை நிம்மதியாக இருக்கும். முயற்சிப்போமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2310🥰
ஆணாக இருந்தாலும் சரி பெண்ணாக இருந்தாலும் சரி திருமணத்திற்குப் பிறகு அவர்களை பெற்றோர்களிடம் இருந்து பிரித்து தங்கள் வசம் ஐக்கியமாக்குவதுடன் தங்கள் பிள்ளைகளையும் தங்கள் கட்டுப்பாட்டிலேயே தக்க வைத்துக்கொண்டு ஆணவத்தில் அகமகிழும் பெற்றோர்களுக்கு அந்தப் பாவத்திற்கான தண்டனையை "காலம்" கொடுக்கும் பொழுது அதிலிருந்து தப்பவே முடியாது.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2309🥰
பந்தியிலே பாரபட்சம் நம் மதிப்பை கெடுக்கும். ஏழை பணக்காரன் என்ற பாரபட்சம் நம் பச்சோந்தித்தனத்தை பறைசாற்றும். உறவுகளிடம் காண்பிக்கும் பாரபட்சம் நம் சுற்றத்தையே சுருங்க வைத்து விடும்.அதைவிட கொடுமை பெற்ற பிள்ளைகளிடமே ஆண் பெண் என்ற பேதமை பாரபட்சம் நம் பிள்ளைகளின் எதிர்காலத்தையே சூனியமாக்கிவிடும். எனவே பாரபட்சம் என்ற பிரிவினை பாசத்தை தவிர்த்து வாழப் பழகுவோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2308🥰
நெருங்கவும் முடியாமல் விலகவும் முடியாமல் சில உறவுகள், சொல்லவும் முடியாமல் மறைக்கவும் முடியாமல் சில ஆசைகள், மீளவும் முடியாமல் வெறுக்கவும் முடியாமல் சில நினைவுகள் இப்படி வாழ்க்கை என்றால் ஆயிரம் இருக்கும். எனவே எதையும் தாங்கும் இதயம் இருந்தால் இறுதி வரைக்கும் நமக்கு அமைதி கிடைக்கும்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2307🥰
கலகலப்புடன் கலந்துரையாட சுற்றங்கள் மன மகிழ்வுடன் மழலைகளோடு கூடி வாழும் சந்தர்ப்பங்கள் உள்ளன்புடன் பாசமும் நேசமும் கொண்ட பிள்ளைகள் உண்மையாகவும் உறுதுணையாகவும் அமைந்த உறவுகள் இவைகள் அனைத்தும் ஒருவனுக்கு கிடைத்து விட்டால் மன அழுத்தம் என்ன எமனே நேரில் வந்தாலும் எதிர்த்து நிற்கும் அளவிற்கு அரியதொரு சக்தியை பெற்று மகிழ்வுடன் வாழ்வது சாத்தியமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2306🥰
நாம் எந்தவித எதிர்பார்ப்பும் இல்லாமல் ஒருவருக்கு முழு மூச்சுடன் செயல்பட்டு உதவி செய்திருந்தாலும்சிலர் அந்த நன்றியை மறந்தாலும், நம்மையே புதிதாக பார்ப்பது போல் பார்த்தாலும்கூட,அது அவர்கள் பிறவி குணம் என்று புறம்தள்ளி "நரி வலம் போனால் என்ன இடம் போனால் என்ன நம் மீது விழுந்து புடுங்காமல் இருந்தால் சரி தான்"என்று நினைத்து வாழ்க்கையை கடத்துவது தான் புத்திசாலித்தனம்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2305🥰
நம் இழப்புக்கு எல்லாம் காரணம் அலட்சியப் போக்கும் ஈடுபாடு இல்லாமையும் தான். இழந்தபின் வருந்தி பலன் இல்லை. முயற்சிக்கும் முன் நன்கு சிந்தித்து முக்கியத்துவம் கொடுத்து செயல்பட்டால் மட்டுமே இழப்பை தவிர்க்க முடியும். சிந்திப்போமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2304🥰
நாம் ஒரு செயலுக்கு ஆசைபட்டு பிறர் மெச்ச ஆர்வத்தோடும் செயல்பட்டு மகிழ்வுற்றாலும் அந்த செயலுக்கான "உயிரோட்டம்" இல்லையென்றால் வெற்றி பெறாது. ஏதோ "just like that" ஒரு பொழுதுபோக்காத்தான் அமையும். எந்த ஒரு செயலானாலும் நம் ஆழ்மனதிலிருந்து அதற்கு நாம் கொடுக்கும் முக்கியத்துவமான "உயிரோட்டம்" இருந்தால் மட்டுமே அந்த செயல் முழுமை பெற்று வெற்றியடையும்.
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2303🥰
"பணம்" என்னும் மூன்றெழுத்தை கண்முன்னே கண்டவுடன் பாசத்தை பகடைக்காயாக்கி நேசத்தை புறக்கணித்து ஆணவ ஆதிக்கத்தை கையில் எடுத்து தேடிவந்த நல்வாழ்வை தவிடு பொடியாக்கி வாழ துணிந்தவர்கள் நிலை "கொள்ளிக்கட்டையால் தானே தன் தலையை சொரிந்து கொள்வதற்கு சமம்" உணர்வோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2302🥰
நான் என்ற அகந்தையில் மற்றவர்களை தரக் குறைவாக எடை போடுவதும், நேசமுடன் பழகிய உறவுகளை புறக்கணிப்பதும், தனக்கத்தானே கிரீடம் சூட்டிக்கொண்டு அக மகிழ்வதுமான மனம் போன போக்கில் வாழ்க்கையை நடத்த எண்ணுபவர்களுக்கு நிலையற்ற நிம்மதியற்ற வாழ்க்கை தான் நிலைத்து நிற்கும்.உணர்வோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2301🥰
நாம் ஒருவருக்கு நம் உண்மையை மறைத்து நம்பிக்கை கொடுத்து அவரை ஏமாற்றுவது என்பது மன்னிக்க முடியாத நம்பிக்கை துரோகம். அது நமக்கு வேண்டுமானால் அந்த சமயத்தில் சாதகமாகவும் மகிழ்ச்சியாகவும் இருக்கலாம். ஆனால் ஏமாற்றப்பட்டவர் மனம் நொந்து அந்த பாதிப்பால் படும் துயரத்தின் தாக்கம் நம்மை நிம்மதியாக இருக்க விடாது. அதன் பலனை நாம் அனுபவித்தே ஆக வேண்டும்.
"முற்பகல் செய்யின் பிற்பகல் விளையும்"
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2300🥰
பொறாமை என்பது நம் மூளையை மழுங்க அடிக்கும் கொடிய நோய். அடுத்தவர்கள் வாழ்க்கையை பற்றியே சிந்தித்து சிந்தித்து அடுத்தவர்கள் போல் வாழ வேண்டும் என்ற எண்ணத்திலேயே அதையும் அடைய முடியாமல் நம் வாழ்க்கையிலும் முன்னேற முடியாமல் வாழ்க்கையையே பாழாக்கிவிடும். எனவே பொறாமையை தவிர்த்து நம் வாழ்க்கையில் முன்னேறுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2299🥰
மனதில் அழுக்குடன் பேசுபவர்கள் மிகவும் பணிவாகவும் கனிவாகவும் பேசி தங்களை நல்லவர் என்று முத்திரை குத்தி கொள்வார்கள். அதுபோல்தான் பொய்யை உண்மை என்று நம்பும் அளவிற்கு உறுதிப்படுத்தி பேசுவார்கள். அப்படிப்பட்டவர்கள் வலையில் நாம் விழாது தப்பிப்பது நமது IQ வில்தான் உள்ளது. "Be careful"
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2298🥰
உப்பு இருந்தால் தான் உணவு சுவைக்கும். அதுவும் அளவோடு. அதுபோல்தான் நாம் ஒருவரிடம் காட்டும் அன்பும் பாசமும் அளவோடு இருந்தால்தான் வாழ்க்கை சுவைக்கும். சந்தர்ப்ப சூழ்நிலையை பொறுத்து அந்த பாசத்தின் வெளிப்பாடு மாறுபடுமே ஒழிய உண்மையான அன்பும் பாசமும் என்றும் மாறாது. உணர்ந்து செயல்பட்டால் உண்டு நமக்கு என்றும் மகிழ்ச்சி.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2297🥰
அடுத்தவர்கள் மனதை நோகடிக்கும் வார்த்தைகளைவிட அவர்களைப் பார்த்து நாம் பார்க்கும் ஒரு ஏளன அலட்சிய பார்வை அதைவிட அவர்கள் மனதை சுக்குநூறாக உடைத்து விடும். எனவே அடுத்தவர்களைப் புகழ்ந்து பேசாவிட்டாலும் பரவாயில்லை அவர்கள் மனதை புண்படுத்தாமல் பேசி பழக முயல்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2296🥰
ஒருவருடன் பேசும்பொழுது நாம் என்ன அர்த்தத்தில்பேசுகிறோம் என்பதை விட நாம் கூறுவதை அவர் என்ன அர்த்தத்தில் புரிந்து கொள்கிறார் என்பதை கவனித்துப் பேசாவிட்டால் ஒருவருக்கொருவர் பேச்சில் புரிதல் இல்லாமல் பிரச்சனைக்கு ஆளாகும் நிலை வந்துவிடும். எனவே பேச்சில் மிகவும் கவனம் தேவை.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2295🥰
மதம் பிடித்த யானையை கூட அடக்கிவிடலாம். கடிவாளம் இல்லாத தறி கெட்டு ஓடும் குதிரையை கூட கட்டுப்படுத்தி விடலாம். ஆனால் நம்பிக்கை துரோகிகளை மட்டும் திருத்தி விடலாம் என்று நாம் முயற்சி செய்தால் அதையும் அவர்கள் நம்புவது போல் நடித்து நம்மை கவிழ்த்து விடுவார்கள். நல்ல பாம்பு கூட நாம் தொந்தரவு செய்தால்தான் நம்மை சீண்டும். ஆனால் நம்பிக்கை துரோகிகள் அதைவிட மோசமானவர்கள்.உஷார்!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2294🥰
சாலையோர பயிர்கள் மனிதர்களின் ஒலி அலைகளால் புத்துணர்ச்சி பெற்று நல்ல மகசூலை கொடுக்கும். அதுபோல் அந்த காலத்து கூட்டு குடும்பங்களில் உறவுகளின் கலந்துரையாடல்கள், மழலைகளின் மகிழ்ச்சி கீதங்கள், ஒற்றுமையின் ஓங்காரங்கள் என்ற ஒலி அதிர்வுகளினால் குடும்பமும் சுபிட்சமாக இருந்தது. வீடும் மங்களகரமாக காட்சியளித்தது. உறவுகள் சுருங்கி பாசம் பணத்திற்கு அடிமையான இந்த காலத்தில் இது சாத்தியமற்றவை தான். நம்மால் முடிந்தவரை முயற்சிக்கலாமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2293🥰
நாம் யாரிடம் எப்படி பேச வேண்டும் எப்படி நடந்து கொள்ள வேண்டும் என்பதை நாம் கற்றுக் கொள்ளாத வரை நாம் தான் நமக்கு எதிரி. நம் புரிதல் இல்லாத பல பிரச்சனைகளுக்கு காரணமே இதுதான். உணர்ந்து செயல்படுவோம் என்று இந்த இனிய தமிழ் புத்தாண்டு தினத்தில் உறுதி எடுத்துக் கொண்டு வாழப்பழகுவோமே! புத்தாண்டு வாழ்த்துக்களுடன்...
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2292🥰
சதுப்பு நிலத்தில் விழும் மழைநீர் பயிர்களை வளமாக்கி நல்ல மகசூலைகொடுக்கிறது. ஆனால் சாலையில் விழும் மழை நீர் கழிவு நீருடன் கலந்து பயனற்றதாகிறது. அதுபோல்தான் நாம் சேரும் இடம் சார்ந்தே நமது தரம். நம் சேர்க்கை சரி இல்லை என்றால் நம் வாழ்க்கையும் சறுக்களில் தான் முடியும். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2291🥰
சில பேரின் செயல்களால் நாம் அனுபவிக்கும் நீங்காத வலிகளை நினைத்து நினைத்து இதுதானா வாழ்க்கை என்று வெதும்பதை விடுத்து இது வாழ்க்கையின் ஒரு பகுதி தான் என்ற மனப்பக்குவத்தை நாம் அடைந்து விட்டால் வாழ்க்கையில் நமக்கு கசப்பான பலவும் இனிக்க துவங்கி வாழ்க்கை மெல்ல மெல்ல ஜொலிக்க துவங்கும். முயற்சிப்போமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2290🥰
மரங்கள் கொத்து கொத்தாக கனிகளை ஈட்டி நம்மை கவர வைக்கும். அந்த கனிகளை சேதமில்லாமல் பறித்து சுவைத்து உண்பது நம் திறமை. அதுபோல்தான் இறைவன் நமக்கு கொடுக்கும் வாய்ப்பை சரியாக முறையாக பயன்படுத்தி வாழ்க்கையில் முன்னேற முயல்வதும் நம் திறமையால் மட்டுமே. நமக்கு கிடைத்த வாய்ப்பை வரம் மாக்குவதும் விரயமாக்குவதும் நம் கையில் தான்!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2289🥰
பயம், கோழைத்தனம் இரண்டிற்கும் மூல காரணம் தன்னம்பிக்கை இல்லாத திட சிந்தனையில்லாத மனம். இந்த நிலையில் நாம் மேற்கொள்ளும் முயற்சிகள் அனைத்துமே தோல்வியில் தான் முடியும். எனவே தீர்க்கமாக முடிவெடுத்து அது அடுத்தவர்களையும் பாதிக்காமல் செயல்படுத்த முடியும் என்றால் மட்டுமே நாம் முயற்சி செய்தது வெற்றி பெறும்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2288🥰
நாம் செய்யும் செயல்களுக்கு நமக்கு முழு சுதந்திரம் உண்டு என்ற நினைப்பில் நம்மை நாமே அதி புத்திசாலியாக கற்பனை செய்து கொண்டு அடுத்தவர்களை பாதிக்கும் செயல்களில் ஈடுபட்டால் நாம்தான் முட்டாள் ஆவோம். அதுவே நம் வாழ்க்கைக்கு முட்டுக்கட்டையாகவும் அமைந்துவிடும். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2287🥰
உழவர்கள் கடினமாக உழைத்தால் தான் நமக்கு உணவு. அந்த உணவும் நாம் உழைத்து சம்பாதித்தால் மட்டுமே.அடுத்தவர்கள் தோளிலிலேயே அமர்ந்து சொகுசுபயணம் செய்தே பழகியவர்கள் வாழ்க்கையின் சுமையை அறிய மாட்டார்கள். அவர்கள் கீழே விழும் பொழுது தான் தட்டு தடுமாறி தத்தளிபார்கள். எனவே நம் உழைப்பால் மட்டுமே முன்னேறி நம்மை நாம் உயர்த்தி கொள்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2286🥰
என்னதான் நம்மை நாமே சமாதானப்படுத்திக் கொண்டாலும் சில ஏமாற்றங்கள் நமக்கு வலிக்கத்தான் செய்யும். உண்மையாக இருக்க வேண்டும் என்பதில் நாம் ஜெயித்து விடுவோம். ஆனால் அதையே மற்றவர்களிடமும் எதிர்பார்க்கும் பொழுது நமக்கு ஏமாற்றம் தான்.எனவே தவிர்க்க முடியாத இத்தகைய ஏமாற்றங்களை தாங்கும் சக்தியை நாம் வளர்த்துக்கொண்டு வாழப் பழகுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2285🥰
ஒரு செயல் தவறு என்று தெரிந்தே நாம் அதை செய்யும்பொழுது அதற்கான தண்டனை கிடைக்காத சமயத்தில் ஒரு நிலையில் நாம் தவறே செய்யாத போது நமக்கு தண்டனை கிடைக்கும் பொழுதாவது நாம் செய்த தவறை உணர்ந்து திருந்த வேண்டும். அதுபோல் நாம் மற்றவரிடம் ஏமாறியது தவறு இல்லை. நம்மை ஏமாற்றும் அளவிற்கு நாம் அவர்களிடம் அன்பாகவும் உண்மையாகவும் பழகியது தான் தவறு என்பதை உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2284🥰
உள்ளொன்று வைத்து புறமொன்று நாவினால் தேனொழுக பேசி அடுத்தவர்களுக்கு ஒரு மாய பிம்பத்தை பிரகாசமாக சித்தரித்து இறுதியில் எதிராளியின் இதயத்தை இரணமாக்கும் விஷயத்தை தங்கள் மீது குற்றமில்லாத படி உரைக்கும் துரோகிகளை ஒரு நிலையில்"காலம்" கதறடிக்கும் என்றாலும் நம்மை நாம் காக்க அவர்களை இனம் கண்டு பழக முயல்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2283🥰
நாம் தோல்வி அடையும் பொழுது அதற்கு முற்றுப்புள்ளி வைத்து முடித்து விடாமல் அந்த தோல்விக்கு இடையில் வாய்ப்புகளும் மறைந்திருக்கும் என்று நம்பிக்கையோடு மாற்று பாதையை தேடி அடைந்த தோல்விக்கு தோல்வியை ஏற்படுத்தி நாம் நேர்மையாக ஆசைப்பட்டதை நிறைவேற்றி வெற்றி பெறுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2282🥰
எந்த ஒரு நிகழ்வுமே நடந்து முடிந்து கடந்து போனதை ஒரு அனுபவமாக எடுத்துக்கொண்டு, நாம் சொல்வதற்கு நிறைய இருந்தாலும் புரிதல் இல்லாதவர்களிடம் சொல்லியும் பிரயோஜனம் இல்லை என்பதை மனதில் கொண்டு மௌனமாய் இருந்து, எதிர்காலமானது நம்மை ஏளனமாக பேசிய சிலருக்கு நம்மை நிரூபித்துக் காட்டும் ஒரு வாய்ப்பாக கருதி எதிர்காலத்தை சிறப்பாக்கி வாழ்க்கையில் வெற்றி பெறுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2281🥰
நேரத்தில் உண்ணாமை நம் உடலுக்கு கேடு. நேர்மையற்ற செயல் நம் வாழ்க்கைக்கு கேடு. அதுபோல் நம் எண்ணம் தூய்மையாக இருந்தும் செயல் நேர்மையாக இருந்தும் நாம் ஒருவரிடம் சொல்ல வேண்டிய விஷயத்தை சொல்ல வேண்டிய நேரத்தில் சொல்ல வேண்டிய இடத்தில் முறையாக சொல்லவில்லை என்றால் அதுவே நம்மை பழிக்கு ஆளாக்கி பகைக்கு வித்திட்டு நம்மை மீளாத்துயரில் அழ்த்தி விடும்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2280🥰
நம் மதிப்பு உயர:
'தான்' என்ற அகந்தையை ஒழித்திடல் வேண்டும். தேவையில்லாத அர்த்தமில்லாத எதையும் பேசாதிருத்தல் வேண்டும். நான் சொன்னது தான் சரி என்ற வாதத்தை விலக்கிடல் வேண்டும்.நாம்தான் எல்லா விதத்திலும் உயர்ந்தவன் என்ற மனப்போக்கை கைவிட்டு கர்வத்தை முழுமையாக அடக்கிடல் வேண்டும். அப்பொழுதுதான் நமக்குரிய மரியாதை நம்மை வந்து தானே அடையும்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2279🥰
செய்தது தவறு என்று மற்றவர்களை பார்த்து நாம் குறை கூறும் பொழுது அவர்களிடமே நேரடியாக கூறும்பொழுது தான் அவர்கள் செய்த தவறை அவரே உணரவும் முடியும். அப்படியே அவர்கள் தவறு செய்யவில்லை என்றால் நமக்கும் உண்மை புரியும். அதை விடுத்து சுற்றத்தில் எல்லாம் கூறும் பொழுது அது பல செவிகளை பலகோணத்தில் சென்று சம்பந்தப்பட்டவரை பாதிக்கக்கூடும். எனவே புறம் பேசுவதை தவிர்ப்பது தான் நம் அனைவருக்குமே நலமாக இருக்கும். உணர்வோமே !
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2278🥰
வார்த்தைகள் 'சாவி' போன்றது. சரியான வார்த்தைகளை பிரயோகித்தால் தான் அடுத்தவர்கள் இதயத்தை திறந்து அவர்களுடன் இணக்கமாக இருக்க முடியும். அதுபோல்தான் மற்றவர்கள் நம் இதயத்தை நோக அடிக்கும் பொழுதும் சரியான வார்த்தைகளால் அவர்கள் வாயை பூட்டவும் முடியும். எனவே நாம் சரியான வார்த்தைகளை சரியான நேரத்தில் பிரயோகப்படுத்திஅனைவரையும் அரவணைத்து செல்ல முயற்சிப்போமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2277🥰
செடிகளிலிருந்து பூக்கள் உதிர்வது போல் நம் லட்சியத்தை உதிரவிடாமலும், அதன் இலைகள் பழுத்து சிதைந்து விழுவது போல் நம் ஆசைகளை சிதைத்து விடாமலும், அதன் விதைகள் விழுந்து மண்ணில் புதைந்து மீண்டும் துளிர்விட்டு வளர்வது போல் நம்மை தோல்வி தழுவும்பொழுது மனம் தளராமல் புத்துணர்ச்சி யுடன் செயல்பட்டு அந்த தோல்வியை உடைத்தெறிந்து வெற்றி மகுடம் சூடி மகிழ்வுடன் வாழபழகுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2276🥰
ஒரு செயலின் முக்கியத்துவம் அறிந்து அதற்கான முழு முயற்சியை உடன் எடுத்து ஆக்கப்பூர்வமாக செயல்பட்டால் அதன் வெற்றி பிரகாசமாகத்தான் இருக்கும். அதையே காலம் தாழ்த்தி முடிவெடுக்கும் பொழுது நாம் பல சிக்கல்களை சந்திப்பதுடன் மன உளைச்சல், குற்ற உணர்ச்சிகளுக்கும் ஆளாவதுடன் நேர விரையத்தையும் தவிர்க்க முடியாதாகி விடுகிறது. எனவே"செய்வதை நன்றே செய் அதையும் இன்றே செய்". உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2275🥰
நடிப்பவர்கள் பதட்டப்பட மாட்டார்கள். அப்படி பதட்டப்பட்டாலும் அதுவும் ஒரு நடிப்பே. நாடகத்தில் நடிக்க திறமை வேண்டும். ஆனால் சுயநலவாதிகளுக்கு நடிப்பு ஒரு இயல்பு. இவர்களுக்கு தன்னலம மேலிட்டு கண்களுக்கு சுற்றத்தை மறைக்கச் செய்யும். ஆனால் சுற்றத்தில் குற்றம் காணும் மகாசக்தி படைத்தவர்கள். இவர்கள் "தான்" என்ற குருகிய வட்டத்திலிருந்து விலகி "நாம்" என்னும் வெளி வட்டத்திற்கு வர முயற்சித்தால் தான் அவர்கள் வருங்காலம் சிறப்பாக அமையும்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2274🥰
நம் மீது படும் காற்றின் சுகத்தை நம்மால் எப்படி அனுபவிக்க முடிகிறதோ, மலர்களின் நறுமணம் நம் இதயத்திற்கு எப்படி இதம் அளிக்கிறதோ, அதுபோல் தானாகவே நம்மை நாடிவரும் நல்லவைகளை ஏற்று நாம் மகிழ்ந்து வாழ பழகிவிட்டால் நாமாக தேடிச் செல்லும் சில விஷயங்கள் நமக்கு கிடைக்காத நிலை வந்தாலும் அதன் தாக்கம் நம்மை பாதிக்க வண்ணம் நம்மை நாம் காத்துக் கொள்ள முடியும்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2273🥰
தேவையான இடத்தில் முற்றுப்புள்ளி வைக்கவில்லை என்றால் வார்த்தைகளுக்கு அர்த்தமில்லாமல் போய்விடும். அதுபோல்தான் ஒரு பிரச்சனை மனஸ்தாபம் என்று வந்தால் வாழ்க்கையில் அதை ஒருநிலையில் முற்றுப்புள்ளி வைத்து முடிக்கவில்லை என்றால் அது விஸ்வரூபம் எடுத்து விபரீதத்தில் தான் முடியும். உணர்ந்து செயல்பட முயல்வோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2272🥰
நாம் வாழ்க்கையில் முன்னேற: பணிவு இருக்கலாம் ஆனால் அடிமையாகி விடக்கூடாது. இரக்கம் இருக்கலாம் ஆனால் ஏமாளி ஆகிவிடக்கூடாது. ஆசை இருக்கலாம் அது பேராசையாக ஆகிவிடக்கூடாது. துணிவு இருக்கலாம் ஆனால் துரோகிகளுக்கு துணை போகிவிடக்கூடாது. எளிமையாக வாழலாம் ஆனால் கருமியாகவே வாழ்ந்து விடக்கூடாது. பணம் வாழ்க்கைக்கு முக்கியம் தான் ஆனால் பணமே வாழ்க்கையாகி விடக்கூடாது. முயற்சிக்கலாமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2271🥰
சாலையில் வாகனங்கள் ஒன்றை ஒன்று நெருங்கும்பொழுது சிறிது இடைவெளி விட்டு தொடர்ந்தால் மட்டுமே விபத்தை தவிர்க்கலாம். அதுபோல்தான் உறவுகளாகட்டும் நட்புகளாகட்டும் என்னதான் மிகவும்நெருங்கியவர்களாக இருந்தாலும்கூட சிறிது இடைவெளி விட்டு அந்த அன்பையும் பாசத்தையும் தொடர்ந்தால் தான் வாழ்நாள் முழுவதும் அது நிலைத்து நம்மை மகிழ்விக்கும். அதுதான் நிதர்சனம். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2270🥰
எவ்வளவுதான் ஓடி ஓடி உதவி செய்தாலும் பெருந்தன்மை இல்லாதவர்களுக்கு நாம் செய்யும் உதவியானது "விழலுக்கு இறைத்த நீர் போல் தான்". "பாத்திரம் அறிந்து பிச்சை இடு"என்ற பழமொழிக்கேற்ப தகுதி பார்த்து தேவை அறிந்து நாம் செய்யும் உதவி தான் பேரு உதவி, பயனுள்ள உதவி. உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2268🥰
நிம்மதியான வாழ்க்கைக்கு: உடல் ஆரோக்கியம், திருப்தி அடையும் மனம், நேர்மையுடன் சம்பாதித்த பணம், அனுசரணையான குடும்பம், யாரிடமும் எதையும் எதிர்பார்க்காத நிலை, கிடைத்ததை வைத்து சிறப்பாக வாழப் பழகும் பக்குவம், விட்டுக் கொடுத்து வாழும் மனம், அன்பான உறவுகள், பாசமுள்ள பிள்ளைகள் இவைகள் அனைத்தும் ஒருங்கே அமைந்துவிட்டால் அதுதான் இறைவன் நம் நிம்மதியான வாழ்க்கைக்கு அளிக்கும் அருள்.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2269🥰
எதிராளி பொறுத்துக் கொள்கிறார் சகித்துக் கொள்கிறார் என்பதற்காக நாம் அடுத்தடுத்து அவரை உதாசீனப்படுத்தி காயப்படுத்தினால், "பொறுமைக்கும் ஒரு எல்லை உண்டு"எனவே ஒரு நிலையில் அவர்களின் எதிர்ப்பு அஸ்திரத்தை நம் மீது பிரயோகப்படுத்தும் பொழுது அதை தாங்கும் சக்தியை நாம் இழந்து நம் நிலை மிகவும் மோசமாகிவிடும்."சாதுமிரண்டால் காடு கொள்ளாது"இதனை உணர்ந்து மனிதநேயத்தோடு வாழப் பழகுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2267🥰
பயிர் நல்ல மகசூலை கொடுக்க வேண்டும் என்றால் சக்தி வாய்ந்த மண் தரமான விதை பதமான தண்ணீர் வளர்ச்சிக்கேற்ப உரம் உணர்வோடு பாதுகாக்கும் உழவர்கள் அனைத்தும் உறங்கிணைத்து இருக்க வேண்டும். அதுபோல்தான் குழந்தைகள் வளர்ப்பிலும். ஆரோக்கியமான சூழ்நிலை அன்புக் கரங்களின் அரவணைப்பு குழந்தைகளின் குதூ களிப்பிற்கு உறவுகளின் வலிமை மிகவும் முக்கியம். சிந்திப்போமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2266🥰
நல்ல வாழ்க்கை அமைய பெற்றவர்கள் அதனை தக்க வைத்துக் கொண்டும், அப்படிப்பட்ட வாழ்க்கை கிடைக்காதவர்கள் கிடைத்த வாழ்க்கையை தமக்கு தகுந்தபடி நல்வாழ்க்கையாக அமைத்துக் கொண்டும் மகிழ்வுடன் வாழ பழகி விட்டால் அனைவரது வாழ்க்கையுமே நல்வாழ்க்கைதான். அனைத்திற்கும் நம் மனம் தான் ஆசான். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2265🥰
பாரபட்சம் இல்லாத பாசமும், நேர்மையான நேசமும், ஓரவஞ்சனை இல்லாத ஒற்றுமையும் ஒரு குடும்பத்தில் அமைந்துவிட்டால், இந்த மனோபாவங்கள் ஆல விழுதுகளை போல் அந்த குடும்பத்தை தாங்கி ஆணிவேரை அசைக்க விடாமல் ஓங்கி உயர்த்தி விடும். முயற்சிப்போமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2264🥰
நிறுத்தவும் முடியாமல் தொடரவும் முடியாமல் சில தேடல்கள், நெருங்கவும் முடியாமல் விலகவும் முடியாமல் சில உறவுகள், சொல்லவும் முடியாமல் மறைக்கவும் முடியாமல் சில ஆசைகள், மறக்கவும் முடியாமல் வெறுக்கவும் முடியாமல் சில நினைவுகள், இவைகளை எல்லாம் நாம் வாழ்க்கையில் எதிர்கொள்ளும் மனப்பக்குவத்தை பெற்று வாழ பழகுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2263🥰
நம் வீட்டிற்கு விரும்பி வரும் உறவுகளிடம் நாம் முகம் கொடுத்து பேசாமல் அலட்சியப்படுத்தி உரிய மரியாதை கொடுக்காமல் அவர்களை காயப்படுத்தும் பொழுதும்கூட அவர்கள் வந்த இடத்தில் நம்முடன் சரிக்கு சரி நின்று தங்கள் அதிர்ப்தியை காண்பிக்காமல் அதன் பிறகு நம் குணம் தெரிந்து நம்மை விட்டு விலகி வெகு தூரம் சென்று விடுவார்கள். இதுதான் நல்லவர்களின் பண்பு.
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2262🥰
நம் வாழ்க்கையில் எல்லா பயணங்களும் இனிதாக முடியும் என்று கூற முடியாது. அதுபோல் நாம் எண்ணியதெல்லாம் நடந்து விடும் என்றும் கணித்து விடக்கூடாது. அனைத்துமே நமக்கு சாதகமாக வரும்பொழுது தான் நிம்மதியாக இருப்பேன் என்று நாம் எண்ணினால் வாழ்க்கையில் நிம்மதியையே தொலைத்து விடுவோம். எனவே கிடைத்ததை ஏற்று மகிழ்ந்து வாழ்ந்தால் மட்டுமே நம் வாழ்க்கை மலரும். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2261🥰
நம் சிந்தனை நேர்மையாக இருந்தால் நம் மனது தூய்மையாகி நம் முயற்சியை முறைப்படுத்தும். முயற்சி முறையாகும் பொழுது நாம் எடுக்கும் செயல் அனைத்தும் தெளிவாகி நமக்கு வெற்றியை பெற்று தரும். எனவே நாம் எண்ணியது எண்ணியபடி நடக்க நம் எண்ணத்தூய்மையே மூலதனம் என்பதை உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2260🥰
ஒருவர் செயலில் உள்ள நேர்த்தியையும் அதன் தொடர் வெற்றியையும்பார்த்து பொறாமை படுவதை விடுத்து அந்த வெற்றிக்கு அவரின் உழைப்பின் வெளிப்பாடு எந்த அளவிற்கு இருந்திருக்கும் என்பதை சிந்தித்து அதன் வழி முயன்றால் நாமும் மற்றவர்களால் பாராட்டப்படுவோம் என்பதை உணரவில்லை என்றால் நாம் பொறாமை என்னும் புற்று நோயால் வாழ்க்கை முழுவதும் அவதிப்படுவதை தவிர வேறு வழி இல்லை. உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2259🥰
யானைக்கு மதம் பிடித்தால் தாறுமாறாக ஓடி அனைத்தையும் அழிக்க முயலும். கடிவாளம் கட்டாத குதிரை தரிகெட்டு ஓட ஆரம்பிக்கும். இவைகளை தடுத்து நிறுத்துவது மிகவும் கடினம். அதுபோல் மனிதனுக்கு செருக்கு என்று வந்துவிட்டால் தலைகனம் மேலோங்கி தன்னிலை உணராது அடுத்தவர்களை மதியாது தன் சுய கௌரவத்தைஇழக்க நேரிடும். எனவே உயர்ந்தாலும் தாழ்ந்தாலும் நாம் கௌரவத்தோடு வாழபழகுவோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2258🥰
பேச்சு: எதையும் எப்பொழுதும் யோசித்துப் பேச வேண்டும். அடுத்தவர்களை பற்றி பேசும்பொழுது அருகில் உள்ள அனைவருக்கும் கேட்கும்படி பேசினால் அதுவே நமக்கு ஆபத்தாக முடியும். நம் முகமும் தொனியும் கனிவுடன் இருப்பது மிகவும் முக்கியம். எனவே நாம் பேச்சில் நாகரீகத்தை கடைப்பிடித்தால் மட்டுமே நம் இமேஜை நாம் காப்பாற்றிக் கொள்ள முடியும். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2257🥰
நேர்மை என்பது பேச்சில் மட்டும் இருந்தால் போதாது செயலிலும் இருக்க வேண்டும். தோற்றத்தில் மட்டும் கண்ணியத்தை காட்டாமல் நடத்தையிலும் வேண்டும். உதவி செய்வது மட்டும் கருணை அல்ல அதை எந்தவித எதிர்பார்ப்பும் இல்லாமல் செய்ய வேண்டும் . உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2256🥰
நம்மால் மட்டும் ஏன் சந்தோஷமான சூழ்நிலையில் வாழ இயலவில்லை என்று வருந்தி நம்மை நாமே குற்ற உணர்ச்சிக்கு ஆளாக்கிக் கொள்ளாமல் அதற்கு என்ன சாத்திய கூறு என்று முயன்று நம் மனதை திசைமாற்றி பயணித்தால் அந்தப் பயணமே சுகமாக தான் இருக்கும்.இறதியில். அந்த வாழ்க்கையை நாம் அடையும் பொழுது அது நமக்கு ஒரு ஆத்ம திருப்தியை கொடுத்து மகிழ்வுடன் வாழ வாய்ப்புண்டு. முயற்சிப்போமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2255🥰
உரிமை இருக்கிறதே என்று அதிக உரிமை எடுத்துக் கொண்டால் வெறுக்கப்படுவோம். அதிக அனுதாபம் கொண்டால் நாம் ஏமாளியாவோம். அடுத்தவர்களிடம் காட்டும் அதிக பாசம் அவர்களின் தவறுகளை நம் கண்கள் மறைக்கச்செய்யும். எனவே எதிலும் எப்பொழுதும் நிதானமாக இருந்தால் மட்டுமே நம் நிலையை நாம் தக்க வைத்துக் கொள்ள முடியும். உணர்வோமே!
Victory King 🙏[Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2254🥰
முடியாது என்று நாம் தீர்மானிக்கும் ஒவ்வொரு செயல்களுக்கும் ஏதாவது ஒரு வகையில் அதை வெற்றியடையச் செய்யும் யுக்தி புதைந்திருக்கும். நாம் மனம் தளராது நம் முயற்சியை கைவிடாது தொடர்ந்தால் அந்த சூட்சுமத்தை அடைந்து அந்த செயலில் வெற்றி பெறுவது சாத்தியமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2253🥰
பெற்ற உதவிக்கு நன்றி சொல்லும் பழக்கமும், செய்த தவறுக்கு மன்னிப்பு கேட்கும் பக்குவமும் நம்மிடம் அமைந்து விட்டால் நமக்கான மரியாதையும் மதிப்பும் மற்றவர்களிடமிருந்து தானே நம்மை வந்து அடையும். நம் நற்குணங்கள் தான் நம் வாழ்விற்கான கேடயம். உணர்வோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2252🥰
பதவியால் வரும் கர்வம், புகழால் வரும் மயக்கம், கற்றதினால் வரும் செருக்கு, பணத்தால் வரும்போதை இவைகளை அகற்றி கடுமையான உழைப்பு, இடைவிடா முயற்சி, ஆரவாரமில்லாத வாழ்க்கை, ஆணவமில்லாத நன்னடத்தை இவைகளை தன்வயப் படுத்தி வாழப்பழகி விட்டால் இறுதி வரை நம் வாழ்க்கை சொர்க்கம் தான்!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2251🥰
குடும்பத்தில் யாரையும் திருத்தியே தீருவேன் என்று கங்கணம் கட்டிக்கொண்டு நம் நிம்மதியை இழந்து விடக்கூடாது. புரிய வைக்க முயற்சிக்கலாம். அவ்வளவுதான் நம்மால் முடியும் செயல். எனவே நாம் அடுத்தவர்கள் குறைகளை சொல்லிப் புலம்பாமல் வாழப்பழகினால் நம் வாழ்க்கை மகிழ்ச்சியாக இருக்கும். உணர்வோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2250🥰
"எண்ணம் போல் வாழ்வு"
எதுவும் நம்மால் முடியும் என்ற நேர்மறை எண்ணத்தோடு செயல்பட்டால் எல்லாமே முடியும். முடியாது என்ற எண்ணம் மேலாங்கி விட்டால் எதுவுமே முடியாததுதான். எனவே எண்ணம் போல் தான் வாழ்க்கை என்பதை உணர்ந்து வாழப் பழகுவோமே!
🙏Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2249🥰
பிரச்சனைக்கு தீர்வு காண:
பேசியே வளர்க்காமல் பேசி புரிய வைப்போம்! நடந்ததை கிளராமல் நடப்பதை மட்டும் பார்ப்போம்! ஊரெல்லாம் பேசி பெரிது படுத்தாமல் உரியவர்களிடம் மட்டும் பேசுவோம்! மனதில் உறுதியோடு இருப்போம் பிடிவாதத்தை தவிர்ப்போம்! முயற்சிப்போமே! பிரச்சனைக்கு முற்றுப்புள்ளி வைப்போமே!
🙏Victory King [Alias] V. Krishnamurthy(VK)🙏
