Victory King's Status 1073
ஆழ்மனதில் இருந்து வரும் அன்புதான் பூவின் வாசம் காற்றோடு இணைந்து நம் இதயங்களை இதமாக்குவது போல் அன்பு இதயங்களை இணைத்து மனிதனை மனிதனாக்கும் சக்தியை பெறுகிறது. போலியான அன்பு ஒரு நிலையில் அதன் சுயரூபத்தைக் காட்டி மனிதனையும் மிருகமாக்கிவிடும். உண்மையான அன்பு கிடைப்பது என்பது ஒரு வரம். அந்த வரத்தைப் பெற்று நாம் மகிழ்வுடன் வாழ முயற்ச்சிக்கலாமே!
VK
Victory King's Status 1073
நாம் அடுத்தவரை அழித்து விட்டோம் என்று அகமகிழ்ந்து பெருமைப்படுவதும் நம்மை நம்பியவரை ஏமாற்றி ஏளனமாக சிரித்து சந்தோஷப்படுவதும் நம் திறமையினாலோ தந்திரத்தாலோ இல்லை. அதற்குப் பெயர்தான் துரோகம். நம்பிக்கை துரோகம். கொலை செய்வதைவிட கொடிய மாபாதகம். அதுதான் நம்மையும் நம் குடும்பத்தையும் அழிக்கப் போகும் கொடிய விஷம் என்பதை நாம் உணர்ந்து விட்டால் நாம் தெளிந்து திருந்துவதற்கும் வாய்ப்பு உண்டு!
VK
Victory King's Status 1072
நம் பிள்ளைகளை நம் வருமை தெரியாமல் வசதியாக வாழ வைக்க வேண்டும் என்று எண்ணுவதில் தவறில்லை. ஆனால் அவர்களுக்கு அந்த வசதிக்கு பின்னால் இருக்கும் நம் உழைப்பின் அருமை தெரிந்திருக்கவேண்டும். இல்லையேல் வசதியை மட்டும் பார்த்து வளரும் பிள்ளைகளின் உள்ளம் ஊர் சுற்றக் கிளம்பி விட்டால் ஊதாரிகளாகத்தான் இருப்பார்கள். அதற்கு நாம் ஒரு காரணியாக இருந்து விடக்கூடாது என்பதை நாம் உணர வேண்டும்!
VK
Victory King's Status 1071
நாம் நல்லவன் என்பதை மற்றவர்கள் வாயிலாக நமக்கு கிடைக்கப் பெற்றால் அது நமக்கு கிடைக்கும் மதிப்பு. அதையே நமக்கு நாமே மிகைப்படுத்தி தம்பட்டம் அடித்துக் கொண்டால் அது தற்பெருமை. தற் பெருமையின் உச்சம் தலைக்கனம் ஏறி நம்மை தடுமாற வைத்து ஒரு நிலையில் நம்மையே சாய்த்துவிடும். ஆனால் மற்றவர்களால் நமக்கு கிடைக்கும் மதிப்பு நம்மை மெருகேற்றி சமூக அந்தஸ்தை கொடுத்து கௌரவிக்கும். எனவே சுயதம்பட்டம் நம் சுயத்தை இழக்க வைத்துவிடும் என்பதை உணர்வோமே!
VK
Victory King's Status 1070
ஏதோ பிறந்து விட்டோமே என்று வாழ்ந்தால் நமக்கு வாழ்க்கையே ஒரு சுமைதான். எனவே இப்பிறவி எடுத்ததற்காக நாம் எதையாவது சாதிக்க வேண்டும் என்று நம் மனதில் ஒரு எண்ணத்தை விதைத்து வாழத் தொடங்கினால் அந்த எண்ணம் நம் மனதில் பூங்கொத்துக்களாக மலர்ந்து சாதனை என்னும் பசும்சோலையை உருவாக்கி நம் வாழ்க்கையையே வசந்தம் ஆக்கிவிடும். சற்று சிந்தித்து வந்தால் நமது வாழ்வே ஒரு சுகம்தான்.
VK
Victory King's Status 1069
சாவின் விளிம்பில் இருப்பவர்களை கூட காப்பாற்றிவிடலாம். ஆனால் ஆணவத்தின் உச்சியில் இருப்பவர்களை கடவுளால் கூட காப்பாற்ற முடியாது. பாம்பாட்டிக்கு பாம்பினால் தான் சாவு என்றாலும் அவன் மட்டும்தான் சாவான். ஆனால் ஆணவத்தினால் அராஜகம் செய்பவர்களின் பாவச்செயல் அவனை அழிப்பதோடு மட்டுமல்லாமல் அவன் சந்ததியினரையும் சேர்த்து அழித்து விடும். தன் சந்ததியினர் நல் வாழ்வை மனதில் கொண்டாவது திருந்தி வாழ முயற்சிக்கலாமே!
VK
Victory King's Status 1068
குடையினால் ஒரு பொழுதும் பெய்து கொண்டிருக்கும் மழையை நிறுத்தி விட முடியாது. ஆனால் அந்தக் குடையை விரித்து நாம் மழையில் நனையாமல் கம்பீரமாய் நடந்து போக முடியும். அதுபோல நம் தன்னம்பிக்கை நமக்குத் துன்பங்கள் வரும்போது அதனை உடனே தூள் தூளாக்கி தூர துரத்திவிடாது. ஆனால் அது நமக்கு துன்பங்கள் வரும்பொழுது நம்மை துவள விடாமல் தூக்கி நிருத்தி மனத்தெளிவை கொடுத்து நம்மை வழிநடத்தும்.இதனை உணர்ந்து நாம் தன்னம்பிக்கையை வளர்த்துக் கொண்டு வாழ்வில் வளம்பெற முயல்வோமே!
VK
Victory King's Status 1067
Victory King’s Status 1066
கயவர்களிடம் கண்ணியத்தை எதிர்பார்ப்பதும், பச்சோந்திகளிடம் பாசத்தை எதிர்பார்ப்பதும், மதியாதவர்களிடம் மரியாதை எதிர்பார்பதும், பாலைவனத்தில் பசுஞ்சோலைகள் அமைக்க எண்ணுவதற்கு சமம். எனவே நாம் நடைமுறைக்கு ஏற்ற நடக்க சாத்தியக்கூறுகள் உள்ள நல்லவற்றையே எண்ணி செயல்பட்டு நம் மதிப்பை நாம் தக்க வைத்துக் கொள்வோமே!
VK
Victory King’s Status 1065
இறைவவன் நம்மைப் படைக்கும் பொழுதே நமக்கான பிரச்சனைகளையும் அதற்கான தீர்வுகளையும் கொடுத்துத்தான் இபப்பூவுலகற்கு அறிமுகப் படுத்துகிறான். அதுதான் விதி.சாவி இல்லாமல் யாரும் பூட்டை தயார் செய்வதில்லை. ஆனால் அந்த சாவியை பூட்டில் போட்டு திறந்து மூடினால் தான் பூட்டிற்கு உபயோகம். அதுபோல்தான் முயற்சி என்ற சாவியை போட்டு பிரச்சனைகளை எதிர் கொண்டால் தான் அதற்கான தீர்வு கிடைக்கும். இறைவன் படைப்பில் அனைவரும் சமம். வெற்றியும் தோல்வியும் நம் கையில்தான் என்பதை உணர்வோமே!
VK
Victory King's Status 1064
எதையுமே அதிகமாக யோசித்தால் குழப்பம்தான் மிஞ்சும். அதிகமாக நேசித்தால் மனதில் துன்பம் தான் நிலைக்கும்.அதிகம் பேசினால் அமைதி கெடும். உடனுக்குடன் எதற்கெடுத்தாலும் உணர்ச்சிவசப்பட்டால் நம் உடல்நலம் கெடுவதோடு உண்மையை உணரும்போது வருத்தம் தான் மிகும். எனவே அளவுக்கு மீறினால் அமிர்தமும் விஷம் தான் என்பதை உணர்ந்து நிம்மதியாக வாழ பழகுவோமே.
VK
Victory King's Status 1063
ஆரம்பத்தில் நமக்கு முக்கியத்துவம் கொடுக்கும் உறவுகள் நாளடைவில் நம்மை ஒரு பொருட்டாகவே மதிப்பதில்லை என்று சிறிதும் கவலைப்பட வேண்டாம். அதைவிட நம் உணர்வுகளுக்கு முக்கியத்துவம் கொடுத்தாலே போதும்.நாம் யாராக இருக்க வேண்டும் என்பதை முடிவு செய்யவேண்டியது நம் உணர்வுகளே உறவுகள் அல்ல என்பதை நாம் உணர்ந்து விட்டால் நாம் மன அழுத்தமின்றி வாழ்க்கையை மகிழ்வுடன் கடத்தலாம்!
VK
Victory King's Status 1062
நம் தவறுகளை ஒப்புக்கொள்ளும் தைரியமும் அதனை திருத்திக் கொள்ளும் பக்குவமும் நமக்கு இருந்தால் மட்டுமே மற்றவர்கள் தவறுகளை சுட்டிக்காட்ட நமக்குத் தகுதி உண்டு. இல்லையேல் அது சாத்தான் வேதம் ஓதுவதுபோல்தான். எனவே நம் மதிப்பை நாம் காப்பாற்றிக் கொள்ள நம் குறைகளை நாம் முதலில் திருத்திக் கொண்டு வாழ முயற்சிப்போமே!
VK
Victory King's Status 1061
என்னதான் நாம் ஒரு செயலை அது சரியானது என்று சிந்தித்து செயல்பட்டாலும் அது சமயத்தில் தவறாக முடிந்து விடுகிறது. எல்லாமே ஏதோ ஒரு காரண காரியத்திற்காகத்தான் நடக்கிறது என்பதை நாம் மனதளவில் ஏற்றுக் கொண்டு அந்த தவறான முடிவும் நாம் எடுத்த செயல்பாடுகளில் உள்ள இடர்பாடுகளை நீக்கி நம்மை நல்வழிப்படுத்தவே என்பதை நாம் உணர்ந்து வாழ பழகிவிட்டால் நம் வாழ்க்கையே ஒரு சொர்க்கம் தான்.
VK
Victory King's Status 1061
"அசரீரி" நமது கண்களுக்குப் புலப்படாத ஒலி வடிவில் மட்டுமே உணரக்கூடிய ஓர் நேர்மறை/எதிர்மறை அதிர்வு. நாம் நம் வீட்டில் ஒரு நிகழ்வைப் பற்றி சிந்தித்துக் கொண்டிருக்கும் பொழுதோ பேசிக் கொண்டிருக்கும் பொழுதோ பல்லி, தெருவிலிருந்து பிராணிகளின் மூலமாகவோஅல்லது மனிதர்களின் பேச்சு வடிவிலோ ஒரு ஒலி நமக்கு சமிக்ஞையாக கிடைத்து அதன்மூலம் நமக்கு மனதில் ஒரு அதிர்வுஏற்படும். அதனை நாம் ஒலியின் உணர்வுகளுக்கு ஏற்ப நேர்மறை /எதிர்மறை அதிர்வாக எடுத்துக்கொண்டு நம் சிந்தனைக்கான உடனடி விடை (instant result) அதுதான் என கருதி அதற்கேற்ப செயல்படலாம்.
VK
Victory King's Status 1059
ஆணவம், அடாவடித்தனம், அரக்க குணம், இதயமற்ற பண்பு, இப்படிப்பட்ட ஈன குணம் படைத்தவர்கள் வாழ்க்கை இன்று வேண்டுமானால் ஆனந்தமாக இருப்பது போல் தோன்றலாம். ஆனால் இந்த குணநலன்கள் தான் அவர்களுடைய வாழ்க்கையை சின்னாபின்னமாக்கி அணுவணுவாக அவதிப்பட்டு அழிவதற்கான அஸ்திவாரம்!
VK
Victory King's Status 1058
உண்மையாகவும் நேர்மையாகவும் தர்ம சிந்தனையோடும் நடந்து அதன் பலனை பெறாத பொழுது.. தர்மம் தோற்பது போல தெரியலாம்; ஆனால் என்றாவது ஒருநாள் சூழ்நிலை மாறும். ஆடியவர் அடங்கும் நேரம் வரும். அன்றுஉண்மையும் தர்மமும்தான் நிச்சயம் வெல்லும். எனவே உண்மைக்கும் தர்மத்திற்கும் என்றும் அழிவில்லை என்பதை உணர்ந்து வாழ்க்கையில் வெற்றி பெறுவோமே!
VK
Victory King's Status 1057
நமக்கு துரோகம் செய்தவனை அவன் தானாகவே திருந்த ஒரு சந்தர்ப்பத்தை நாம் மனிதாபிமானத்தோடு கொடுக்கும் பொழுது அதனை அவன் தனக்கு சாதகமாக்கி மேலும் மேலும் தவறு செய்து கொண்டிருக்கும் பட்சத்தில் நாம் துணிவோடு அதனை எதிர்கொண்டு அவனை வீழ்த்த வேண்டும். நாம் எதிர்த்து நிற்கும் துணிவை பெற்று விட்டாலே துரோகிகளின் பலம் தூள் தூளாகி நாம் அவனால் ஏற்பட்ட துன்பங்கள் நீங்கி வெற்றி பெறுவது நிச்சயம்!
VK
Victory King's Status 1056
பொய்க்கு மற்றவர்களை ஈர்க்கும் சக்தி அதிகம். ஆனால் நிலையற்றது. உண்மைக்கு வலிமை அதிகம் என்பதோடு காலத்திற்கும் நிலைத்து நிற்கும் ஒரு மகாசக்தி. உண்மையான அன்பு நம்மிடம் பேச நேரத்தை உருவாக்கும். பொய்யான அன்பு நம்மிடம் பேசாமல் இருக்க காரணத்தை உருவாக்கும். எனவே நிலையற்ற பொய்யான வாழ்க்கை வாழ்வதைவிட நிலைத்து நிற்கும் உண்மையின் வலிமையை உணர்ந்து நமது வாழ்வை மெருகேற்றிக் கொள்வோமே!
VK
Victory King's Status 1055
நாம் கவலையின்றி வாழ வேண்டும் என்றால் நம் மனதிலிருந்து தேவையற்ற விஷயங்களை நீக்கி மனச்சுமையை குறைத்து நல்ல விஷயங்களை ஏற்பதற்கு இடமளிக்க வேண்டும். கவலையை மறந்து வாழ்வது என்பது ஒரு கலை. அதற்கு நம் உள்ளத்தை தூய்மைப்படுத்தி நல்லவற்றை ஏற்கும் சக்தியை வளர்த்துக் கொண்டாலே போதும. கலங்கம் இல்லா மனமே நம் கவலையை மறக்கும் உபாயம் என்பதை உணர்வோமே!
VK
Victory King's Status 1054
ஆசையின் உச்சம் பேராசை. பேராசையின் உச்சம் குரோதம். குரோதத்தின் உச்சம் அடுத்தவர்களுக்கு செய்யும் துரோகம். அந்த துரோகத்தின் உச்சம் அடுத்தவர்களிடம் இருந்து கிடைக்கும் சாபம். அந்த சாபம்தான் ஒரு மனிதனின் வாழ்வை நாசமாக்கும் பேராயுதம். இதனை உணர்ந்தாவது துரோகிகள் மனம் திருந்தி வாழ்வார்களா?
VK
Victory King's Status 1053
ஒருவர் நம்மீது மதிப்பும் மரியாதையும் வைத்து ஒரு விஷயத்தை நம்மிடம் பகிரும் பொழுது நாம் அவருக்கு உறுதுணையாய் இருந்து உற்சாகப்படுத்த வேண்டும் தேவையில்லா விமர்சனங்களை தவிர்த்து நம் மதிப்பை நாம் காப்பாற்றிக் கொள்வதுடன் அதுவே அவருக்கு நாம் செய்யும் பேருதவியாகவும் இருக்கும். எனவே மற்றவர்கள் மனம் எந்நிலையிலும் புண்படா வண்ணம் நடந்து நம்மை நாமே உயர்த்திக் கொள்வோமே!
VK
Victory King's Status 1052
பணத்தினால் எதையும் சாதிக்க முடியும் என்று எண்ணுபவர்கள் ஒரு நிலையில் தன் பண்பை இழந்து மற்றவர்களின் அன்பை இழந்து தங்கள் தோல்வியை ஏற்றுக் கொள்ளாத மனம் தங்கள் வாழ்க்கையையே பொய்யாக்கி கொள்ளும் நிலை வந்துவிடுகிறது. எனவே பணத்தால் எதனையும் சாதித்து விடலாம் என்ற எண்ணத்தை விடுத்து நல்ல மனமுடன் கூடிய பண்பான வாழ்க்கையினால்தான் நாம் எதையும் சாதிக்க முடியும் என்பதை உணர்வோமே!
VK
Victory King's Status 1051
இரத்த உறவாக இருந்தாலும் சரி, உள்ளங்கள் ஒத்த உறவாக இருந்தாலும் சரி சிறிது இடைவெளி கொடுத்து அந்த இடைவெளியை அன்பு பாலத்தால் இணைத்தால் தான் உறவு நிலைக்கும். உரிமைக்கு எல்லை உண்டு ஆனால் அன்புக்கு எல்லை இல்லை. எனவே உறவுகளிடம் உரிமை என்ற பெயரில் எல்லை மீறாமல் வலுவான அன்பு பாலத்தை பலப்படுத்தினால்மட்டுமே உறவுகள் நிலைக்கும் வாழ்க்கை சிறக்கும்.
VK
Victory King's Status 1050
ஒரு செயல் நமக்கு சரி என்று பட்டு அது குற்றம் இல்லாத பட்சத்தில் வெளி உலகத்திற்கு சிறிதும் அஞ்சாமல் அதனை இயல்பாக சிறப்புடன் செய்து முடிக்கும்பொழுது நம்மை நாமே உயர்த்திக் கொள்வதுடன் அந்த செயலுக்கான உரிய அங்கீகாரமும் கிடைக்கும். எண்ணம் இனிதானால் அனைத்தும் நலமாகும்.
VK
Victory King's Status 1049
வாழ்க்கையை வெறுத்து விஷமருந்தி உயிரை விட நினைப்பவர்கள் பிழைத்து விடுகிறார்கள். நோயிலிருந்து விடுபட்டு உயிர்வாழ துடிப்பவர்கள் மருந்துக்கு கட்டுப்படாமல் இறந்துவிடுகிறார்கள். எனவே என்ன எப்பொழுது நடக்கும் என்று நம்மால் கணிக்க முடியாத வாழ்க்கையில் நம் மனதை ஒரு நிலைப்படுத்தி நடந்ததைப் பற்றியும் நடக்கப் போவதை பற்றியும் சிறிதும் கவலைப்படாமல் இன்றைய நிகழ்வில் முழுமையாக நாட்டத்தை செலுத்தி மகிழ்ந்து வாழ கற்போமே!
VK
Victory King's Status 1048
உறவுகளின் அருமை பெருமைகள் உணராமல் வளரும் குழந்தைகள் உள்ள குடும்பம் கிளியை கூண்டில் அடைத்து வைத்து வளர்ப்பதற்குதான் சமம். உறவுகளின் மதிப்பு தெரிந்தால்தான் குழந்தைகள் பாசத்தின் பிணைப்போடும் பண்போடும் வாழ அது வழிவகுக்கும். பிள்ளைகளின் மனதை தெளியவைத்து குடும்பத்தை ஒரு கோயிலாக்கி மகிழ்வோடு வாழ்வோமே!
VK
