🥰விக்டரி கிங்கின் சிந்தனைத் துளி 2112 🙏
குடும்பம் அன்பின் பிறப்பிடமாகவும் மகிழ்ச்சியின் இருப்பிடமாகவும் பாசத்தின் வளர்ப்பிடமாகவும் பக்குவத்தின் காப்பிடமாகவும் அமைந்துவிட்டால் அங்கே ஓங்காரம் ஒலித்துக் கொண்டே குடும்பத்தை ஒளிமயமாக்கி ஒற்றுமை விலகா வண்ணம் காத்து நித்தம் நித்தம் அங்கே நிம்மதி தான்.
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2111 🙏
அன்பு எனும் தீபத்தால் பாசம் என்னும் ஒளி உங்கள் இல்லங்களில் பரவி மகிழ்வான வாழ்வை மலரச் செய்யட்டும். அனைவருக்கும் கார்த்திகை தீபத்திருநாள் வாழ்த்துகள்.
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2110 🙏
உலகத்திலேயே மிக அதிபயங்கர போதை பிடித்தவர்களின் பாசத்திற்காக ஏங்கி தவிப்பது தான். பாசம் பலவீனமான ஆயுதம். ஆனால் பலமாக காயம் தந்துவிடும். அன்பு பாசம் வைத்தவர்களுக்கு மட்டும் எப்போதும் இரண்டு தண்டனை. ஒன்று பிரிவினல் வருவது. இரண்டாவது நினைவினால் வருவது.
Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2109 🙏
ஆசை என்பது சில நாட்களில் மறைந்து போகும். ஆனால் பாசம் மட்டுமே வாழ்நாள் முழுவதும் நிலைத்து நிற்கும். உண்மையான பாசத்திற்கு தகுதியானவர்கள் நமக்கு கிடைத்து விட்டால் கண்களில் கண்ணீருக்கு வேலையிருக்காது. மனதினில் மகிழ்ச்சிக்கும் பஞ்சம் இருக்காது. எனவே பாசத்தை பஞ்சமில்லாமல் நம் மனதில் பதிய வைத்து வாழப்பழகுவோமே!
Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2108🥰
அடுத்தவர்கள் வலியை தம் உணர்வுகளால் புரிந்து கொள்ள முடியாத உள்ளங்களும், தாம் இன்று இந்த நிலைமைக்கு இருப்பதற்கு மூல காரணமாக இருந்தவர்களை சிறிதளவும் சிந்தித்துப் பார்க்காமலும் மதிக்காமலும் சுயநலவாதிகளான மனிதநேயமற்ற மனிதர்கள் உயிரற்ற மரக்கட்டைகளுக்கு தான் சமம்.
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2107🥰
கோடை காலம், குளிர்காலம், மழைக்காலம் என பல பருவ காலங்களை உள்ளடக்கியதுதான் ஒரு வருடம். அதுபோல்தான் சுகம் துக்கம், இன்பம் துன்பம், நட்பு பகைமை இவை அனைத்தையும் உள்ளடக்கியது தான் நம் வாழ்க்கை என்பதை நாம் உணர்ந்து விட்டால் இவற்றை எளிதில் எதிர்கொண்டு வாழ்க்கை என்னும் ஓடத்தில் தத்தளிக்காமல் பயணம் செய்து கவலையின்றிகரை ஏறுவோம்!
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2106🥰
நம்முடன் பேசாதவர்களை நாம் நினைத்து நினைத்து மனம்புழுங்கி புலம்புவதை விடுத்து, நம்முடன் உண்மையுடன் நெருங்கி பழகுபவர்களிடம் பரஸ்பரம் மனம் விட்டுப்பேசி, மகிழ்வுகளை பகிர்ந்து கொண்டாலே நாம் நம் மன அழுத்தத்தை போக்கி உடல் நலத்துடனும் மகிழ்வுடனும் வாழ்வோம்.
🙏"Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2105🥰
வாழ்க்கை என்பது ஒரு பயணம். நல்லதோ கெட்டதோ அது நம் பயணத்தின் ஒரு பகுதி தான். இன்பம் வந்தால் ரசித்துக் கொண்டே நகர வேண்டும். துன்பம் வந்தால் அதனை கடந்து செல்ல பழக வேண்டும். அப்பொழுதுதான் நம் பயணத்தை இறுதிவரை தளர் வில்லாமல் உற்சாகத்துடன் கடந்து சென்று பயணத்தை இனிதாக முடிக்க முடியும்.
🙏"Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2104🥰
நமது நேர்மறை எண்ணங்களின் பிரதிபலிப்புதான் நம் வாழ்க்கையின் நடைமுறை. நம் நேர்மறை எண்ணங்கள் நம் மன அழுத்தத்தை குறைக்கும் உந்துவிசையாக அமைந்து, நமக்கு உற்சாகத்தை கொடுத்து, நம் செயலில் நேர்த்தியை ஏற்படுத்தி, ஆத்மதிருப்தியை அளித்து, மகிழ்வான வாழ்க்கைக்கு வழிவகுக்கும். எனவே எதிர்மறை எண்ணங்களை தவிர்த்து நேர்மறை எண்ணங்களை வளர்த்து வாழப்பழகுவோமே!
🙏"Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2103🥰
குறிக்கோள் இல்லாத செயல்களுக்கு குறிப்பு எழுதி செயல்படுத்த முடியாது. அதுபோல் காரணமில்லாமல் நடக்கும் நிகழ்வுகளுக்கு நீதியை எதிர்பார்க்க முடியாது. எனவே வாழ்க்கை என்றால் வாழ்வில் வெற்றி பெற குறிக்கோள் வேண்டும். உணர்வோமே!
🙏"Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2102🥰
உள்ளத்தில் உள்ளதை உள்ளபடி, மௌனம் காக்காமல், சொல்ல வேண்டிய விஷயத்தை, சொல்ல வேண்டிய நேரத்தில் சொல்ல வேண்டியவர்களிடம் சொன்னால்தான் அந்த சொல்லுக்கு ஒரு தீர்வு கிடைத்து தெளிவு பிறந்து அதற்கான செயல் வடிவத்தை நாம் செவ்வனே பெறுவோம். எனவே"மௌனம் கலைவோமே"
🙏"Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2101🥰
யாரோ நம்மைப்பற்றி குறைகூறி விட்டார் என்பதை நினைத்து நம்மை நாமே நொந்து கொண்டு மன அழுத்தத்தில் இல்லாமல், குறைகள் எல்லாம் நம்மைப் பற்றி சொல்பவர்களிடம் தான் உள்ளது என்பதை உணர்ந்து, நம்மை நாமே மகிழ்ந்து வாழ பழக வேண்டும். மகிழ்ச்சியுடன் வாழ்வது என்பது ஒரு கலை. நம்மிடம் உள்ள நிறைகளை உளமார நினைத்துக் கொண்டிருந்தாலே போதும். அது நம்மை மகிழ்வுடன் வாழ வைத்து விடும்!
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2100🥰
'எங்கே வாழ்க்கை தொடங்கும் அது எங்கே எவ்விதம் முடியும் இது தான் பாதை இது தான் பயணம் என்பது யாருக்கும் தெரியாது' (கவிஞர் கண்ணதாசன்) என்பதை நன்குஉணர்ந்து, வருவதை பெருமையுடன் ஏற்று, துயரங்களை துச்சம் என கருதி எதிர்கொண்டு, நாம் வாழும் காலத்தை நலமுடனும் வளமுடனும் மகிழ்வுடன் வாழப் பழகிவிட்டால் நம் வாழ்க்கையே ஒரு பூத்துக் குலுங்கும் பூங்காவனம்தான்.
🙏Victory King Alias 'V. Krishnamurthy' (VK)🙏
🥰விக்டரி கிங்கின் சிந்தனைத் துளி 2099🥰
உறவுகளை உதறித் தள்ள காரணங்களை எதிர் பார்த்து சந்தர்ப்பம் வரும் பொழுது சாதுரியமாக அதனை காரணப்படுத்தி உறவுகளிடம் இடைவெளியை ஏற்படுத்துவது மனசாட்சி இல்லாதவர்களின் கீழ்த்தரமான செயல். தன்வினை தன்னைச் சுடும் என்பது போல் தங்களுக்கு அந்த நிலை வரும் பொழுதாவது உணர்ந்து வருந்தினால் சரிதான்!
🙏Victory King Alias 'V. Krishnamurthy' (VK)🙏
🙏விக்டரி கிங்கின் சிந்தனைத் துளி 2098🥰
அடுத்தவன் வாழ்வை கெடுத்து நாம் வாழ நினைத்தாலோ அடுத்தவன் பொருளை அபகரித்து நாம் ஆனந்த பட்டாலோ அந்த நம் எண்ணத்தின் எதிர்மறை அதிர்வு நம் வாழ்க்கையை சிறிது சிறிதாக சீரழித்து நம்மையும் நம் சந்ததியினரையும் நடுத்தெருவில் நிறுத்தி விடும் என்பதை நாம் நன்கு நம் மனதில் பதிய வைத்து விட்டாலே போதும் நம் வாழ்வு மலர!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2097🙏
ஒரு பிரச்சனை என்று வந்தால் அதனை விவேகத்துடன் கையாண்டால்தான் நாம் சாதகமான முடிவை எதிர்பார்க்க முடியும். அதனை விடுத்து விவாதத்தில் ஈடுபடுவோமே யானால் அது எதிர்வினையை தந்து அந்த ஒரு சிறு பிரச்சனை பூதாகரமாகி இக்கட்டான சூழலை ஏற்படுத்திவிடும். எனவே எங்கும் எதிலும் விவாதத்தை விடுத்து விவேகத்தை கையாள பழகுவோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2096🙏
உரிமையோடு கூடிய உறவுகளும், உண்மையான அன்பு உள்ளங்களும், நேர்மையான நட்பு வட்டங்களும் நமக்கு கிடைத்து விட்டால் தன்னம்பிக்கை நம்மிடம் தானே வந்து தழுவிக் கொண்டு நம் வாழ்வை மலரச் செய்துவிடும்!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2095🙏
திறமைசாலிகள் மட்டுமே வாழ்க்கையில் வெற்றி பெற முடியும் என்று ஏங்குவதை விடுத்து சரியான நேரத்தில் சரியான வாய்ப்பை மிகச் சரியாகப் பயன்படுத்தினால் நாமும் திறமைசாலிகள் தான். நம்மாலும் வெற்றி பெற முடியும் என்பதை நாம் நம் மனதில் நிலை நிறுத்தி விட்டால் நம் வாழ்விலும் வெற்றி என்பது நிச்சயம்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2094🙏
கருங்கல்லை சிற்பமாக்கி மகிழ்வதும் சிலைகளாக்கி வணங்குவதும் அதனையே படிக்கற்களாக மாற்றி மேலே உயர முயற்சிப்பதும் நம்திறமையையும் மனோபாவத்தையும் ஆக்கபூர்வமாக பயன்படுத்தும் உந்து சக்திதான்.அதுபோல்தான் இறைவன் நமக்கு அளித்த வாழ்க்கை என்னும் பொக்கிஷத்தை ஆக்கப்பூர்வமாக பயன்படுத்தி வாழ்வில் உயர்ந்தால்தான் நாம் வாழும் வாழ்க்கைக்கு ஒரு அர்த்தம் உண்டு.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2093🙏
🙏விக்டரி கிங்கின் சிந்தனைத் துளி 2092🙏
வாழ்க்கையில் கவலைகள் என்பது வந்து செல்லும் ஒரு நிகழ்வு தான். அதனை கையாளும் திறமை நம்மிடம் தான் உள்ளது. கவலைகளை நிரந்தரம் ஆக்கிவிட்டால் நாம் நோயாளி. தற்காலிகமாக மாற்றும் திறமை இருந்தால் நாம் புத்திசாலி. கவலைகளை உடைத்தெறிந்து வாழ்க்கையை எதார்த்தத்தோடு மகிழ்ந்து வாழப்பழகி விட்டால் நாம்தான் அறிவாளி!🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2091🙏
வாழ்க்கையில் நமக்கு இன்னல்கள் வரும் பொழுது அதனை ஒரு பிரச்சனையாக எடுத்துக் கொள்ளாமல் சவாலாக ஏற்றுக் கொண்டு விட்டால் நம் மனம் அதிலிருந்து விடுபடுவதற்கான வழிகளை நாடி நம்மை துவளவிடாமல் நமக்கு ஆத்மபலத்தை கொடுத்து புத்துணர்ச்சியோடு வாழ்க்கையில் முன்னேற வழிவகுக்கும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி 2090🙏
நம் உள்ளம் உண்மையின் உறைவிடமாக அமைந்து விட்டால், நிமிர்ந்த நடையும் நேர்கொண்ட பார்வையும், அஞ்சா நெஞ்சமும், வலியோரும் வியக்கும் ஆற்றலும் தானே நம்மை வந்து அடைந்து விடும். எனவே உண்மைக்கு தோல்வியும் இல்லை பொய்மைக்கு நிலையான வாழ்வும் இல்லை என்பதை நாம் உணர்ந்தாலே போதும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி மட்டுமே - 2089🙏
அந்திம காலத்தில் கோடிக்கணக்கில் பணம் மட்டும் இருந்தால் போதாது. அன்பான ஆதரவான நிம்மதியான குடும்பம் அமைந்தாலே போதும். நம் வாரிசுகள் நமக்கு 60, 70, 80 வயதுகளில் சஷ்டியப்தபூர்த்தி, பீமரதசாந்தி, சதாபிஷேகம் என நம் அனுபவ சங்கமத்தை, நம் சந்ததியினருக்கு விட்டுச்செல்லும் ஆன்மீகத் திருவிழாவை கொண்டாடி மகிழும் பாக்கியம் அனைவருக்கும் கிடைப்பது அரிது. அந்த பாக்கியம் நமக்கும் அமைய இறைவனைப் பிரார்த்திப்போமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2088🙏
இதயங்கள் இணைந்த அன்பும், உணர்வுபூர்வமான பாசமும், எதிர்பார்ப்பில்லா உறவுகளும், மனிதாபிமானத்தோடு கூடிய உதவிகளும் தான் நிலைத்து நிற்கும். எனவே வேஷத்தோடு வாழும் வாழ்க்கையை விடுத்து துவேஷம் இல்லாத உள்ளத்தோடு வாழ்ந்து நம் வாழ்க்கையை சிறக்க செய்வோமே.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2087🙏
எது நமக்கு கடைசி காலம், அப்பொழுது என்ன தான் நமக்கு நடக்கும் எனத்தெரியாமலேயே அந்த காலத்தை கருத்தில் கொண்டு சிந்தித்து சிந்தித்து நிகழ்காலத்தை கோட்டை விட்டு விடாமல் குடும்பம் குழந்தைகளோடு மகிழ்வுடன் வாழப் பழகி விட்டால் வாழ்க்கை மன நிறைவுடன் நகர்ந்து செல்லும். நம் வாழ்க்கை நம் கையில் தான் என்பதை உணர்ந்து வாழ்வோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2086🙏
சமையலின் வாசனை நம்மை ஈர்த்து, அதனை நாம் சுவைத்து உண்ணும் பொழுது, அருமையான சமையல் என்று நாம் புகழ்ந்தால் அது சமைத்தவர்களுக்கு நாம் கொடுக்கும் புகழ். அதையே சமைத்தவர்கள் தாங்களே அதனை பறை சாற்றிக் கொண்டால் அது தற்பெருமை. அதுபோல்தான் நம்மை நாமே புகழ்ந்து கொண்டு மார்தட்டிக் கொள்ளாமல் நம் எண்ணங்கள் செயல்கள் மற்றவர்களை ஈர்த்து நமக்கு புகழைத் தேடி தர வேண்டும். மற்றவர்கள் நமக்கு கிரீடம் சூட்டினால்தான் அந்த கிரீடத்திற்கே பெருமை.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2085🙏
ஏனோ பிறந்து விட்டோம் என்று வாழ ஆரம்பித்தால் வாழ்க்கையே ஒரு சுமை தான். அந்த சுமையோடு வாழ்வைக் கடப்பது சொல்ல முடியாத துயரம் தான். எனவே இப்பிறவி நமக்கு கிடைத்தது ஒரு பொக்கிஷம் என்று எண்ணி சாதனையை நோக்கிப் பயணம் செய்தால் வாழ்வே ஒரு ரத யாத்திரை தான். வாழ்ந்துதான் பார்ப்போமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2084🙏
நமக்கு கடலளவு கிடைத்தாலும் மயங்காத மனதையும் கையளவே கிடைக்கும் பொழுதும் கலங்காத உள்ளத்தையும் நாம் பெற்று நமக்கு கிடைத்ததை இறைவன் நமக்கு அளித்த வெகுமதி என்று மனமுவந்து ஏற்று வாழ பழகி விட்டால் துன்பத்திலும் இன்பத்தை காணும் சக்தியை பெற்று துவளாத மனதுடன் மகிழ்வான வாழ்க்கை இறுதி வரை நம்மை விட்டு அகலாது. முயற்சிப்போமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2083🙏
ஒருவர் இறந்த பிறகு அவர் முன் நின்று, சுகங்களை பகிர்ந்து கொண்ட நாம் அன்பையும் பாசத்தையும் பகிர்ந்து கொள்ளவில்லையே என்று கண்கலங்கி, அன்பையும் பாசத்தையும் அவர்உயிரோடு இருக்கும் பொழுதே செலுத்தி இருந்தால் அந்த ஏக்கம்அவரை பாதிக்காமல்இன்னும் சில காலம் உயிரோடு இருந்திருப்பாரோஎன்ற எண்ணம் இன்று வந்து என்ன பலன்? காலம் கடந்த ஞானோதயம். சற்று சிந்தித்தால் இதற்கான விடை நம் இதயத்தை தொடும்!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2082🙏
நாம் எதிர்பார்த்தது நடக்கவில்லை என்றால் நாம் உணர்வது வருத்தம் மட்டுமே. இதனை நாம் எதிர்கொண்டு வெற்றி பெறுவது சாத்தியமே. ஆனால் நாம் ரத்த சம்பந்தமான உறவுகளிடம் காட்டும் பாசம் ஒரு தலைப்பட்சமாக இருந்துவிட்டால் அதனுடைய தாக்கம் தான் ஏக்கம். இதனைப் போக்குவதற்கு ஒரே வழி நம் மனநிலை மாற்றம் மட்டுமே. பாசம் என்பது உணர்வுபூர்வமாக வரவேண்டுமேஒழிய எதிர்பார்த்து வருவது சாத்தியமில்லை என்பதை நாம் உணர வேண்டும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2081🙏
பேராசை ஒரு மனிதனை மாயை உலகிற்கு அழைத்துச் சென்று புதைககுழியில் வீழ்த்தி தப்பிக்க முடியாமல் தத்தளிக்க வைத்து விடும். தற்புகழ்ச்சி தன்னையே பைத்தியக்காரனாக்கி நடுத்தெருவில் நின்று புலம்ப வைத்துவிடும். அதுபோல்தான் அளவுக்கு மீறிய பாசம் எதிர்பார்ப்புகளை எதிர்கொள்ள முடியவில்லை என்றால் மனநோயாளியாகி உடலை சிறிது சிறிதாக அரிக்க ஆரம்பித்து விடும். எனவே "A contented mind is a continual feast"
உணர்வோமே!🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2079🙏
பேசிப்புரிய வைக்க வேண்டிய விஷயத்தை பேசியே விஸ்வரூபம் எடுக்க செய்வதை விடுத்து பேச வேண்டிய விஷயத்தை மட்டும் பண்போடு பேசி அன்போடு அரவணைத்தால்பேசியவர்க்கும் பெருமை. பேசிய பேச்சுக்கும் உயிரளிக்கும். நா வன்மையை நளினமாக்கி நற்செயலுக்கு துணையாக நிற்போமே!🙏விக்டரி கிங்கின் சிந்தனைத் துளி - 2078🙏
"எப்படியும் சமாளித்து விடலாம்" எப்படியும் இந்த செயலை முடித்து விடலாம் என்பது தன் திறமை மேல் நம்பிக்கை வைத்து பேசும் நியாயவாதிகள் உபயோகிக்கும் வார்த்தை. இதையே "தில்லுமுல்லு" செய்பவர்கள் எப்படியும் ஏமாற்றி விடலாம் என்ற உள்நோக்கில் தன் வார்த்தை ஜாலத்தால் இந்த வார்த்தையை பிரயோகப்படுத்துவார்கள். எனவே இந்த வார்த்தையை உபயோகிப்பவர்கள் தகுதியை இனம் கண்டு பார்த்துத்தான் இந்த வார்த்தைக்கான மதிப்பை நாம் கொடுக்க வேண்டும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2077🙏
பொய்யைச் சொல்லி நாடகமாடி மிகவும் சாமர்த்தியமாக மற்றவர்களை ஏமாற்றி விட்டோம் என்று தன் தோளையே தானே தட்டிக் கொண்டு அக மகிழ்பவர்கள் வாழ்க்கையில் அதுவே தொடர்கதையாகி ஒரு நிலையில் அவர்கள் சுயரூபம் தெரியும்போது தங்கள் மதிப்பு மரியாதையை இழந்து தலை தூக்க முடியாத நிலைதான் வந்தடையும் என்பதை உணர்ந்து தங்களைத் தாங்களே திருத்திக் கொள்ளாவிட்டால் அவர்கள் வாழ்க்கையே கேள்விக்குறிதான்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2076🙏
பசியால் வாடுபவனுக்குத் தான் தெரியும் உணவின் ருசி. உழைத்து சம்பாதித்தவனுக்குத்தான் தெரியும் பணத்தின் அருமை. எனவே நம் குடும்பம் தழைத்து இந்நிலைக்கு வருவதற்கு காரணமான நம் அனுபவங்களை நம் குடும்பத்தினர் அனைவருடன் பகிர்ந்து வாழ்ந்தால் மட்டுமே நம் சந்ததியினர் வருங்காலத்தில் கஷ்டப்படாமல் வாழ்வதற்கு வழிவகுக்கும் என்பதனை நாம் உணர வேண்டும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2075🙏
ஏழையாய் பிறப்பது நம் கையில் இல்லை. ஆனால் அந்த ஏழ்மையிலேயே உழன்று கொண்டிருப்பது தான் நம் தவறு. "தகுதி" என்ற மூன்றெழுத்து மந்திரம் நம் தகுதியையே மாற்றிவிடும். "தன்னம்பிக்கை குறிக்கோள் திறமை" இம்மூன்றையும் முறையே பயன்படுத்தி வாழ்க்கையில் நாம் முன்னேறினால் பிறப்பின் ஏழ்மை என்ற இலக்கணம் மாறி நம் வாழ்க்கையை நாமே பிரகாசிக்க செய்யலாம்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2074🙏
நமக்காகவே வாழ்ந்தால் அது சுயநலம். அடுத்தவர்களுக்காக நாம் வாழ்ந்தால் பச்சோந்திதனம். விட்டுக் கொடுத்து வாழ்ந்தால் ஏமாளி. ஒதுங்கி நின்றால் பயந்தாங்கொள்ளி. எனவே நம் மனதிற்கு சரி என்று பட்டதை நேர்மையுடனும் தைரியத்துடனும் செயல்பட்டு வாழ்ந்தால் தான் நம் வாழ்க்கை மகிழ்வுடன் இருக்கும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2071🙏
அனைத்து தர மக்களுக்கும் விலங்குகளுக்கும் தாவரங்களுக்கும் பாரபட்சமின்றி பலன் அளிக்கும் விதத்தில் தான் மழை பொழிகறது. இயற்கை எப்பொழுதுமே நமக்கு பாரபட்சம் காண்பிப்பது இல்லை.ஆனால் ஏனோ நம்மிடத்தில் இன்றும் நம் குடும்பத்திலேயே ஆண் பெண், பாரபட்சம் சொந்த பிள்ளைகளாக இருந்தாலும் பொறாமையால், வெளியிலேஏழை பணக்காரன், உயர்ந்தவன் தாழ்ந்தவன் போன்ற பாரபட்சங்கள் இன்னும் நம்மை விட்டு அகலவில்லை என்பதுதான் உண்மை. பாரதி பாடியது போல "என்று தனியும் இந்த பாரபட்ச மோகம்" என்று நாமும் பாட வேண்டிய நிலை தான் இன்று.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2070🙏
நாம் நல்ல எண்ணங்களை நம் இதயத்தில் அடைக்கலம் கொடுத்து விட்டால் நற்குணங்களாகிய பேச்சில் இனிமை, கொள்கையில் தெளிவு, செயலில் உறுதி ஆகியவை நம்மைத் தேடி தானே வரும். இவை மூன்றும் நமக்கு கிடைத்து விட்டால் எதனையும் சாதிக்கும் திறமை நம்மை வந்தடைந்து ஆரோக்கியமான மகிழ்வான வாழ்வை பெறுவோம். தூய எண்ணம் தான் நம் வாழ்வின் அணையா தீபஒளி!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2069🙏
உண்மைகள் நிராகரிக்கப்படலாம், வெறுக்கப்படலாம், ஒதுக்கப்படலாம், மறைக்கப்படலாம். ஆனால் நிச்சயம் ஒரு நாள் உண்மை வெளிப்படும். அப்பொழுது உண்மைதான் வெல்லும். உண்மையான வாழ்க்கைக்கு உயிர் உண்டு. உயர்வு உண்டு என்பதை உணர்ந்து வாழ்வோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2068🙏
அடுத்தவர்களை மிகவும் புத்திசாலித்தனமாக ஏமாற்றி விட்டோம் என்று அகமகிழந்தால், "காலை சுற்றிய பாம்பு கடிக்காது விடாது". அதுபோல் நாம் ஏமாறும் காலம் வந்தே தீரும். ஏமாற்றியே பிழைத்தவர்கள் அதனை எதிர்கொள்ள சக்தியின்றி தத்தளிக்கத்தான் நேரும். உணர்வோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2067🙏
நேர்மையாக இருந்தால் நடிக்கிறான், உண்மையாக இருந்தால் ஊரை ஏமாற்றுகிறான், பாசத்தோடும் நேசத்தோடும் பழகினால் காக்கா பிடிக்கிறான் என்றெல்லாம் பொறாமை பிடித்த பண்பற்றவர்களின் பேச்சை ஒரு பொருட்டாக மதிக்காமல் நாம் நம் இயல்பான நற்குணங்களோடு வாழ்ந்தால் தான் வாழ்வில் நலம் பெறலாம்."நாம் நாமாக இருப்போமே".
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2066🙏
பிறரை துன்புறுத்தி மகிழும் குணம் உடையவர்கள் அவர்கள் அதற்கான தண்டனையை அனுபவித்தாலும் தங்கள் தவறை உணர மாட்டார்கள். அவர்கள் கொடிய விஷ ஜந்துக்களுக்கு சமம். ஆனால் மனசாட்சி உள்ளவர்கள் குற்றமே செய்தாலும் அதை ஒரு நிலையில் உணர்ந்து திருந்தி வாழவும் வாய்ப்பு உண்டு. எனவே நாம் மனசாட்சிக்கு பயந்து வாழ்ந்தால் நம் வாழ்க்கையில் ஏற்படும் இடையூறுகளை தவிர்த்து வாழலாம்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2065🙏
அன்பிற்கு உரியவர்களிடம் மனம் திறந்து பேசலாம். ஆனால் மனதில் பட்டதை எல்லாம் பேசி அன்பிற்கு பங்கம் வரும்படி நடந்து விடக்கூடாது. ஏனென்றால் பேசினால் சண்டை வரும் என்று பேசாமல் இருக்கும் நிலை போய் இன்று பேசிப் பேசியே பிரிவினையை சந்திக்கும் நிலை வந்துவிடுகிறது. எனவே அனைவரிடமும் நிதானமுடன் பேசி நம் நிம்மதியையும் தக்க வைத்துக் கொண்டு நட்புடன் வாழ பழகுவோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2064🙏
எதற்கெடுத்தாலும் அஞ்சி அஞ்சி வாழ்க்கையை கடந்தால் நமக்கு இறுதி அஞ்சலி தான் மிஞ்சும். எனவே நமக்கு நடப்பவைகள் அனைத்தும் நம் விதியின் வழிப்படிதான் என்பதை உணர்ந்து அஞ்சா நெஞ்சத்துடன் இயல்பாக வாழ்க்கையோடு ஒட்டி வாழ்ந்தால் நம் வாழ்க்கைப் பயணம் இனிதாகவே அமையும். முயற்சிப்போம்!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2063🙏
எந்த கணக்கிற்கும் ஏதாவது ஒரு வழியில் நாம் விடையை கண்டுபிடித்து விடலாம். ஆனால் நம் வாழ்க்கை கணக்கிற்கு மட்டும் நம்மால் விடை கண்டுபிடிக்க முடியாது. விதியால் மட்டுமே விடையை அடையக் கூடியது தான் நம் வாழ்க்கை கணக்கு என்பதை நாம் உணர்ந்தாலேபோதும் நம் ஆணவம் அழிந்து விடும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2062🙏
நம் நிம்மதியை நாம் குலைப்பதற்கு மூல காரணம் நாளை என்ன செய்யலாம் என்பதை நாம் எண்ணுவதை விடுத்து நாளை எப்படி இருக்குமோ என்று வருந்துவதும், நமக்கு நடந்த செயல் சரியில்லை என்றால் அதைப் பற்றியே எண்ணி வருந்தி, நடக்க வேண்டியதை சிந்தித்து நம் கவனத்தை திசை திருப்ப தவறுவதும் தான். எனவே நிம்மதி அடைவதற்கு மருத்துவமோ மருந்தோ கிடையாது. நம் மனநிலையை ஒருங்கிணைக்கும் பக்குவம் நமக்கு வந்தாலே போதும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2061🙏
எப்போது வரும் எப்படி வரும் என்று உணர முடியாத, சாதி சமய வேறுபாடு இன்றி, ஏழை பணக்காரன் என்ற பாகுபாடு இன்றி அனைவருக்கும் வாழ்க்கையின் இறுதியில் வந்தடைவது மரணம் மட்டும்தான். வாழ்க்கை என்னும் தொடர்கதையின் முடிவுரை மரணம் தான். எனவே இந்த நிமிடம்தான் வாழ்க்கை நம் கையில் என்று எண்ணி இருக்கும் வரை நம் எண்ணம் செயல் அனைத்துமே நல்லவைகளாகவே இருக்கட்டுமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2060🙏
மாட்டின் கழுத்தில் உள்ள தும்பு கயிற்றின் மறுமுனையை நம் கையில் வைத்துக் கொண்டு நாம் கட்டுப்படுத்தா விட்டால் அது திமிறிக் கொண்டு ஓடுவதை தவிர்க்க முடியாது. அதுபோல்தான் நாம் சொல்ல வேண்டிய கருத்துக்களை சொல்ல வேண்டிய காலகட்டத்தில் சொல்ல வேண்டியவர்களுக்கு சொல்லித் திருத்தாவிட்டால் அதன் பிறகு அவர்களை நம்மால் கட்டுப்படுத்தவே முடியாது என்பதுதான் நிதர்சனம்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2059🙏
நாம் ஆசைப்பட்டது கிடைத்து விட்டால் ஆனந்தம். இல்லையெனில் பெரும் துன்பம். இதுதான் மனித இயல்பு. அது பேராசையாக இல்லாமல் நியாயமாகவும் நம் தகுதிக்கு உட்பட்டும் இருக்குமாயின் நாம் நிச்சயம் அதை அடைந்தே தீருவோம் என்ற முழு நம்பிக்கையில், நம் ஆசை நிராசையாகி விடுமோ என்று மனம் தளராமல் அந்நாளை எதிர்பார்த்து மகிழ்வுடன் வாழ்ந்தால் காலம் நம்மை கைவிடாது. "நம்பினார் கெடுவதில்லை"
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2058🙏
அனைவரையும் அரவணைக்கும் சக்தியை கொண்டதுதான் தான் அன்பு உள்ளங்கள். உறவுகளை வலுப்படுத்தி இதயங்களை ஒருங்கிணைப்பதுதான் பாசம். அன்பு முகத்தில் பரவசத்தை கொடுக்கும். பாசம் பரவசத்தோடு கண்களில் கரக்கத்தையும் கொடுத்து உறவுகளின் இதயத்தை இதமாக்கும். எனவே, அன்பும் பாசமும் ஒருவருடத்தில் குடி கொண்டுவிட்டால் துவளாத மனதுடன் இன்பமுடன் வாழலாம்!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2057🙏
நாம் மறக்க வேண்டியவைகளை மறக்காமலும், நினைக்க வேண்டிய நல்ல விஷயங்களை நினைக்காமலும் இருப்பது தான் நம் மன உளைச்சலுக்கு முக்கிய காரணம். பயிர்கள் வளரும் பொழுது அதை சுற்றியுள்ள புல் பூண்டுகளை அகற்றி களை எடுக்கும் பொழுது தான் அந்தப் பயிருக்கு முழு சக்தியும் கிடைத்து நல்ல மகசூலை தரும். அதுபோல்தான் நம் மனதில் தேவையற்றவைகளை நீக்கிவிட்டாலே நம் மனது நல்லவைகளை ஏற்கும் சக்தியை முழுமையாக பெற்று நற் செயல்களை செய்ய ஏதுவாகும். முயற்சிப்போமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2056🙏
நாம் நமக்கு விரும்பிய வரை விருந்தோம்பலுக்கு அழைக்கும் பொழுது அவர்களை மனமும் வந்து இன் முகத்துடன் வரவேற்று பரஸ்பரம் ஆரோக்கியத்துடன் உரையாடி மன மகிழ்வுடன் விருந்தை பரிந்து பரிந்து பரமாரி அவர்கள் அதை சுவைத்து மன நிறைவுடன் உண்ணும் அழகை நாம் பரவசத்துடன் பார்க்கும் அந்தக் காட்சிதான் நம்மை புத்துணர்ச்சிபடுத்தி அன்பு உள்ளங்களை ஒருங்கிணைக்கும் சக்தி!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2055🙏
நம் எண்ண அலைகளுக்குப் பலம் உண்டு. எதைப் பற்றி அதிகம் நினைக்கிறோமோ அது தொடர்பான நிகழ்வுகளை, மனிதர்களைச் சந்திக்க வேண்டியது இருக்கும். நம் எண்ண அலைகளுக்கு ஏற்ப்பத்தான் சம்பவங்களும் தொடரும். எனவே எண்ணம் போல் தான் வாழ்க்கை என்பதை உணர்ந்து எண்ணத் தூய்மையோடு வாழ பழகுவோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2054🙏
கிடைக்காத ஒன்றை நினைத்து நினைத்து ஏங்கிக் கிடைத்ததை அனுபவிக்க முடியாமலும், எதிர்காலத்தில் என்ன நடக்குமோ என்று எண்ணி வருந்தி வருந்தி நிகழ்வில் நடப்பதை கோட்டை விட்டும் மனநிலையில் உள்ளவர்கள் தங்கள் வாழ்க்கையை தாங்களே நரகம் ஆக்கிக் கொள்வதற்கு சமம் என்பதை உணர்ந்து வாழ்ந்தால் வாழ்க்கையே ஒரு சொர்க்கம் தான்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2053🙏
வாழ்க்கை என்பது பரமபத விளையாட்டுப் போல் தான். ஏறுவதும் இறங்குவதும் போல. எனவே எண்ணத்தை தூய்மையாக்குவோம். எண்ணியதை எண்ணியபடி செயலாக்கி வெற்றி பெறுவோம். வஞ்சத்தை தவிர்ப்போம். வாழ்க்கையை வசந்த மாக்குவோம் என சூளுரைப்போமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2052🙏
நாம் ஒருவருக்கு நல்லது செய்ய நினைத்தால் உடனே செய்து விட வேண்டும். அதுபோல் நமக்கு நெருங்கிய ஒருவரை சந்திக்க வேண்டும் என்றோ பேச வேண்டும் என்றோ தீவிர எண்ணம் நம் மனதில் தோன்றினால் தாமதம் இல்லாமல் செய்துவிட வேண்டும். இல்லையேல் நாம் மன உளைச்சலுக்கு ஆளாக நேரிட வாய்ப்பு உண்டு.இவைகள் நமக்கு ஒரு "அசரீரி"என்பதை நாம் உணர வேண்டும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2051🙏
வாய்ப்பு என்பது மற்றவர்களிடமிருந்து நாம் பறித்துக் கொள்வதும் இல்லை, அது நம்மை தேடி வரும் என்று எதிர்பார்ப்பதும் இல்லை. திறமையும் வாய்ப்பும் ஒன்றுக்கொன்று பிணைந்த ஒரு சக்தி. திறமை இருந்தால்தான் வாய்ப்பும் நம்மை நோக்கி வரும். அந்த வாய்ப்பை நழுவ விடாமல் பயன்படுத்தி நம் திறமையால் முயற்சி செய்து முன்னேறுவது தான் வாழ்க்கை.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2050🙏
பதவியால் வரும் கர்வம், செல்வ செழிப்பினால் வரும் அகம்பாவம், கல்வி கற்றதினால் வரும் இறுமாப்பு, புகழ்ச்சியால் வரும் போதை இவைகள் அனைத்தும் நாம் அழிவதற்கான அறிகுறி என்று உணர்ந்து நம்மை அண்ட விடாமல் தடுத்து வாழ்ந்தால் உண்டு நல்வாழ்வு நமக்கு. இல்லையேல் நம்மைப் படைத்த இறைவன் வந்தாலும் நம்மை காப்பாற்ற இயலாது.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2049🙏
அடுத்தவர்கள் விரும்பியபடி நாம் பேச வேண்டும் என்றால், நாம்பொய்தான் பேச வேண்டி இருக்கும். அதுபோல் அடுத்தவர்களுக்காக நாம் நம்மை மாற்றிக் கொண்டு செயல்பட்டால் அது ஒரு நாடகமாகத்தான் இருக்க முடியும். எனவே நாம் நாமாக இருந்து நியாயமான கருத்தை நாம் செயல்படுத்தும் போதுதான் நமக்கு மன உறுத்தல் இல்லாமல் நிம்மதியாக வாழ முடியும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2048🙏
நாம் வாழ்க்கையை இயல்பாகவும் இனிமையாகவும் கடந்து செல்ல, நம் இறந்த கால பிரச்சனைகளை மறந்து இனிய நினைவுகளை மனதில் கொண்டும், ஆணவத்தை கைவிட்டு அன்பை நம் மனதில் ஆட்கொள்ளச் செய்தும், சோம்பலை துறந்து சுறுசுறுப்போடு இயங்கியும், பகைமையை புறம்தள்ளி பாசத்தை நம் இதயத்தில் ஏற்று பண்போடு வாழ்ந்தாலே போதும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2047🙏
வாழ்க்கையில் மாற்றம் வேண்டும் என்று ஆசைப்பட்டால் மட்டும் போதாது. அதற்கு கடுமையான உழைக்க வேண்டும். அந்த உழைப்பும் ஈடுபாட்டுடன் இருந்தால் மட்டுமே நாம் எதிர்பார்த்ததை அடைய முடியும். ஈடுபாடு இல்லா உழைப்பு உப்பில்லா உணவிற்கு சமம். உண்ணலாம் சுவைக்க முடியாது.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2046🙏
வேதனைகளை சகித்துக் கொண்டு வாழ்வதை விடுத்து, சலிக்காமல் அதனை எதிர்கொண்டு ஜெயித்து விட்டால் அதுதான் நம் வாழ்க்கை வளம் பெறுவதற்கான சாதனை. சலிப்படையாத முயற்சிதான் நம் முன்னேற்றத்திற்கான ஒரே வழி.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2045🙏
மனிதனாய் பிறந்து அரக்க குணத்தை கொண்டு அடுத்தவர்களை அழிக்க துடிப்பவர்கள் பறவைகளின் ஒற்றுமையையும்,மிருகங்களின் இனப்பற்றையும் பார்த்தாவது, அறிந்து கொண்டாவது திருந்தி வாழ முயற்சித்தால் இறைவன் நமக்கு அளித்த ஆறாவது அறிவின் பயனை அடைய முடியும்.
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2044🙏
எந்த இடமாக இருந்தாலும் சரி, உறவுகளோ நட்புகளோ எதுவாகினும் நாம் நம் எல்லையை தாண்டாது இருக்கும் வரைதான் நமக்கு மரியாதை. இல்லையேல் நமக்கு நாமே சூன்யம் வைத்துக் கொள்ளும் நிலை தான்.உணர்வோமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2043🙏
நாம் தன்னம்பிக்கை தாரகனாக இருக்கலாம், சுய சிந்தனையில் சூரனாக இருந்து செயல்படலாம், முயற்சி செய்து செயல்படுவதில் முனைவராக கூட இருக்கலாம். ஆனால் நம்மிடம் மனிதாபிமானத்தோடு மற்றவர்களை மதிக்கும் மனிதநேயம் இல்லையென்றால் மெற்கூறிய அனைத்துமே விரயமாகிவிடும்.மனிதனை மனிதனாக்குவது மனிதநேயமே!
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2043🙏
முயற்சிக்கு முன்னால்
கேலிகள், கிண்டல்கள்,
துரோகங்கள், சோகங்கள்,
காயங்கள், சோதனைகள்,
தோல்விகள் யாவும்
தோற்று ஒரு நாள் நம்
விடாமுயற்சி தான் வெற்றி பெறும்
🥰Victory King Alias 'V. Krishnamurthy' (VK)🥰
🙏விக்டரி கிங்கின் சிந்தனைத் துளி - 2042 🙏
நாம் ஒரு செயலை செயல் படுத்த வேண்டும் என்று நினைக்கும் பொழுது அதனை தடுப்பதற்கு பல காரணங்கள் நம் காதுகளில் ஒலிக்கும். அந்த சமயத்தில் நம் மனசாட்சி மயக்க நிலை அடைந்து விட்டால் அந்த செயலில் உள்ள நியாயங்களுக்கு உயிர் இல்லாமல் போய்விடும். எனவே இந்நிலை நமக்கு வராது நாம் செயலில் ஈடுபட்டால் நாம் மன உறுத்தல் இல்லாமல் வாழ இயலும்.🥰விக்டரி கிங்கின் சிந்தனைத் துளி - 2041 🥰
நாம் நம் சந்ததியினருக்கு பணம் சொத்து சேர்த்து வைக்கவில்லை என்றாலும் பரவாயில்லை. எந்தவித பாரபட்சமும் இல்லாது உறவுகள் என்னும் உன்னதமான பொக்கிஷத்தை அவர்கள் மனதில் ஆழப் பதியும் படி உணர்த்தி விட்டால் அதுவே அவர்கள் வாழ்க்கைக்கு அசைக்க முடியாத ஒரு பலமாகும். நம் காலத்தில் உறவுகளைப் பிரித்து வாழ்ந்து விட்டால் நம் சந்ததியினர் வாழ்க்கையும் சிதறிப் போகும் என்பதை உணர்வோமே!🥰விக்டரி கிங்கின் சிந்தனைத் துளி - 2040 🥰
குடும்பம் என்பது அன்பு, அக்கறை, நம்பிக்கை மற்றும் சொந்தம் ஆகிய உணர்வுகளால் பிணைக்கப்பட்டு, நம்மை காக்கும் பெற்றோர்கள், அக்கறையுள்ள அன்பான உடன்பிறப்புகள், அத்தை மாமா தாத்தா பாட்டி இவர்களின் நம்பிக்கையின் ஒளியில் ஒளிர்ந்து ஒற்றுமை என்னும் அமிர்தத்தால் ஊட்டப்பட்டு இருந்துவிட்டால் அதுதான் நம் குளுமையான வாழ்விற்கு ஒரு பூத்துக் குலுங்கும் பூங்காவனம்!😍விக்டரி கிங்கின் சிந்தனைத் துளி 2038😍
பெற்றோர்களும் பிள்ளைகளும் நண்பர்களைப் போல் பழகலாம் உரையாடலாம் குதுகளிக்கலாம். அது நல்ல குடும்பத்திற்கு அழகுதான். ஆனால் பெற்றோர்கள் வயதை ஒத்த பெரியோர்களிடமும் பிள்ளைகள் அப்படி பழகினால் அது பெற்றோர்களுக்குத்தான் தலைகுனிவு. அந்த சமயத்தில் பெற்றோர்கள் பிள்ளைகளை அறிவுரை கூறி திருத்தவில்லை என்றால் குதூகலகுடும்பத்தில் குழப்பம் தான் ஏற்படும்.சபை நாகரிகத்தை காப்போமே!
🙏🏻Victory King alias ‘V. Krishnamurthy’🙏🏻
விக்டரி கிங்கின் சிந்தனைத் துளி 2037
தூய அன்புள்ளங்கள் நமக்கு கிடைப்பது என்பது அரிது. அதனை நாம் தக்க வைத்துக் கொள்ளவில்லை என்றால் அது கொடுமை. அந்த கொடுமையை மறப்பது என்பது வேதனை. அந்த வேதனையை நினைத்தாலே வலி. எனவே கிடைத்த அன்பை நழுவ விடாமல் தொடர்பில் வைத்து மகிழ்வுடன் வாழப்பழகுவோமே!
Victory king alias 'V. Krishnamurthy'
விக்டரி கிங்கின் சிந்தனைத் துளி 2036
நாம் யாரை எங்கே வைப்பது என்பதில் மிகவும் தெளிவாக இருக்க வேண்டும். இல்லையென்றால் நாம் இருக்கும் இடம் தெரியாமல் போய்விடுவோம்.யாரிடம் எதைச் சொல்ல வேண்டும் என்பதிலும் கவனமாக இல்லை என்றால் நம் சொல்லிற்கு மதிப்பில்லாமல் போய்விடும். மனிதநேயம் மிகவும் முக்கியம் அதே சமயத்தில் நாம் ஏமாளியாக இருந்து விடக்கூடாது.
Victory king alias 'V. Krishnamurthy'
விக்டரி கிங்கின் சிந்தனைத் துளி 2035
நான் என்ற ஆணவம், அடுத்தவர்களைப் பார்த்து பொறாமை, தங்கள் சக்திக்கு ஒவ்வாத பேராசை, சுயநலத்தால் அடுத்தவர்களுக்கு செய்கின்ற துரோகம், தம் புகழுக்காக மற்றவர்கள் மேல் புழுதியை வாரிப்போடும் அவலம் இவை அனைத்தும் நம் வாழ்க்கை நாசமாவதற்கு நமக்கு நாமே எடுத்துக் கொள்ளும் "slow poison".
Victory king alias V. Krishnamurthy
விக்டரி கிங்கின் சிந்தனைத் துளி 2034
Diversion ம் சற்று சகிப்புத்தன்மையும் நமக்கு இல்லை என்றால் சிறு சங்கடங்களையும் கஷ்டங்களாக உணர வைத்து அதுவே நம்மை மன உளைச்சலுக்கு வித்தாக்கி நம் உடல் ஆரோக்கியத்தையும் கெடுத்துவிடும். எனவே நம் மனதிற்கு உற்சாகம் தரும் செயல்களில் நம்மை ஈடுபடுத்திக் கொண்டு இனிய நினைவுகளோடு எதிர்காலத்தை நோக்கி பயணம் செய்தால் நம் வாழ்க்கை வசந்தமாகும்.
Victory king alias V. Krishnamurthy
விக்டரி கிங்கின் சிந்தனைத் துளி 2033
பால் மட்டும் நன்றாக இருந்தால் போதாது. பாலை காய்ச்சும் பாத்திரம் சுத்தமாக இல்லை என்றால் பால் திரிவது போல் நாம் மட்டும் நல்லவர்களாக இருந்து நம் சேர்க்கை சரியில்லை என்றால் அது நம் வாழ்க்கையையே புரட்டிப் போட்டு விடும். எனவே"கூடா நட்பு கேடாய் முடியும்"என்பதை மனதில் கொண்டு நல்லோரை பார்ப்பதும் நன்று நல்லோர் சொல் கேட்பதும் நன்று. உணர்ந்து வாழ்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2032
நாம் கூறும் உண்மைகள் மற்றவர்களுக்கு சாதகம் இல்லாத நிலையில், பொய் என்று சாதிக்கும் சுயநலவாதிகளைப் பற்றி நாம் சிறிதும் கவலைப்படாமல் மனம் தளராமல் அவர்களிடமிருந்து ஒதுங்கி நாம் நாமாகவே இருக்க பழகி விட்டாலே போதும் அதன் தாக்கத்திலிருந்துநாம் விடுபடலாம். சுயநலவாதிகளுக்கு சூடு கொடுத்தால் போல் ஆகிவிடும்.
Victory king alias V. Krishnamurthy
விக்டரி கிங்கின் சிந்தனைத் துளி 2031
குழந்தைகள் தவழும் பொழுது நாம் அவர்களுக்கு சிறிது தூரத்தில் நின்று வா வா என்று கூறி கையை அசைத்தால் நாம் அந்த குழந்தையின் காதுகளுக்கும் கண்களுக்கும் கொடுக்கும் பயிற்சியில் நம்மை நோக்கி தவழ்ந்து வரும். இதுதான் அந்தக் குழந்தையின் முயற்சிக்கு நாம் கொடுக்கும் பயிற்சி. இதுபோல் குழந்தை வளர்ப்பில் நம் ஒவ்வொரு செயலும் அவர்களின் முயற்சிக்கு வித்தாக அமைய வேண்டும். இதுவே அவர்களின் ஆழ்மனதில் நன்கு பதிந்து வருங்காலத்தில்தன்னம்பிக்கைக்கு பேருதவியாக இருக்கும். உணர்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2029
நமக்கு பிரச்சனை என்று ஒன்று வந்துவிட்டால், அதனை பிரச்சனை என்று எடுத்துக் கொண்டால் கவலை கோபம் பயம் அனைத்தும் நம்மை ஆட்கொண்டு நம் சிந்தனைகளை சிதறடித்து விடும். ஆனால், அதையே ஒரு சவாலாக எடுத்துக் கொண்டு விட்டால் தைரியமும் தன்னம்பிக்கையும் நம்மை நாடி வந்து சிந்தித்து செயல்பட செய்து, எடுத்த செயலை வெற்றிகரமாக முடிக்க முடியும். முயற்சிப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 2028
நாம் மனசாட்சிக்கு மதிப்பளித்து, மனித நேயத்துடன் மற்றவர்களை மதித்து வாழ்வதில் தவறில்லை. ஆனால் யாரை எந்த இடத்தில் வைக்க வேண்டும் என்பதில் நாம் தெளிவாக இல்லையெனில் நம் மனசாட்சியயே அது அசைத்துப் பார்த்து நம்மை அற வழியிலிருந்து நகர்த்த ஏதுவாகிவிடும் என்பதை உணர்ந்து வாழ்ந்தால் மட்டுமே நாம் நாமாகவே எப்பொழுதும் இருப்போம்!
Victory king alias V. Krishnamurthy
விக்டரி கிங்கின் சிந்தனைத் துளி 2027
மற்றவர்களை காயப்படுத்துவதோடு மட்டுமில்லாமல் அதனை நியாயப்படுத்துபவர்களையும் தெரிந்தே துரோகத்தை செய்து அந்த உணர்வுகளே சிறிதளவும் இல்லாது திரிபவர்களையும் எப்பொழுதும் பொய்யையே பேசி அதனை உண்மை என்று சாதிப்பவர்களையும் விதி விடாது துரத்தி வீழ்த்தியே தீரும். இதுதான் நிதர்சனம்!
Victory king alias V. Krishnamurthy
விக்டரி கிங்கின் சிந்தனைத் துளி 2026
அழிவையும் ஆபத்தையும் தரும் ஆணவம், கோபம்,பொறாமை, துரோகம், பேராசை இவற்றையெல்லாம் நம் மனதில் இருந்து அகற்றி, வதந்திகளை புறந்தள்ளி, நட்பிற்கும் அன்பிற்கும் உயிர் கொடுத்து, உறவுகளை அரவணைத்து, உண்மையாக உழைத்து, மகிழ்வுடன் வாழ்ந்தால், நாம் வாழும் காலத்தே சொர்க்கத்தை அனுபவிக்கலாம்.
Victory king alias V. Krishnamurthy
விக்டரி கிங்கின் சிந்தனைத் துளி 2025
என்னதான் சந்தர்ப்பமும் சூழ்நிலையும் நல்லவர்களை கெட்டவர்களாக்கி, கெட்டவர்களை உத்தமர்களாக்கி, மற்றவர்கள் பார்வைக்கு காட்சியாக்கினாலும் உண்மையை காலம் ஒருநாள் உலகிற்கு வெளிச்சம் போட்டுக் காட்டிவிடும். காலத்திடம் யாரும் கண்ணாமூச்சி காட்ட முடியாது. உணர்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2024
"அகத்தின் அழகு முகத்தில் தெரியும்". நம் ஆழ்மனதில் இருக்கும் இன்பம் துன்பம் பொறாமை இவற்றின் பிரதிபலிப்பை நம் முகமே காட்டி கொடுத்து விடும். அதுபோல்தான் நம் எண்ணத்திற்கேற்பதான் நம் செயல்களும் அமையும். எனவே உள்ளொன்று வைத்து புறம் ஒன்று பேசினாலும் நம் அங்க அசைவுகள் செயல்கள் நம்மை மற்றவர்களுக்கு காட்டி கொடுத்து விடும் என்பதை மனதில் கொண்டு மற்றவர்களை முட்டாளாக்கி விட்டோம் என்று அக மகிழாமல் வாழ பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 2023
நாம் ஒரு நன்மை நடப்பதற்காக ஒரு உண்மையை மறைக்க முயலும் பொழுது முதலில் அதில் நாம் உறுதியாக நிற்க வேண்டும். அது மட்டுமல்லாமல் நம்முடன் உள்ள குடும்ப உறுப்பினர்களுக்கும் அதில் முழு உடன்பாடு இருத்தல் வேண்டும். இந்த இரண்டில் ஒன்று இல்லை என்றால் கூட நன்மைக்காகவே நாம் செய்யும் அந்த செயல் திசை மாறி நம்மை அவமானப்படுத்திவிடும். எனவே நன்மைக்காக உண்மையை மறைப்பது தவறில்லை என்றாலும் அதனை திறம்பட திருந்த செய்தால்தான் முழுமை பெறும் என்பதனை நன்குணர்ந்து செயல்படுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 2022
உண்மை சில நேரங்களில் வலிக்கத்தான் செய்யும். அதற்கு பொய் ஒரு வலி நிவாரணி அல்ல. வலித்தாலும் சகித்துக் கொண்டு உண்மையின் பக்கம் நின்றால் உண்மைதான் வெல்லும். நம் உள்ளத்தில் உண்மையும் தைரியமும் இருந்தால் நடக்கும் பாதையும் நேரானதாகவே இருக்கும் என்பதை உணர்ந்து உண்மையோடு ஒன்றி நாம் வாழப் பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 2021
நாம் விரும்பினாலும் வெறுத்தாலும் தவிர்க்க முடியாததும் கணிக்க முடியாததும் நம் இறப்பு. எனவே நாம் இருக்கும் ஒவ்வொரு நாளையும் நன்னாளாக கருதி நன்மையே செய்து உற்றார் உறவினர் சுற்றம் என அளவளாவி அகமகிழ்ந்து வாழப்பழகி விட்டால் என்னாளும் நமக்கு நன்னாளே..!
Victory king alias V. Krishnamurthy
விக்டரி கிங்கின் சிந்தனைத் துளி 2020
நாம் வாழ்க்கையில் ஒருவருக்கு ஒருவர் போட்டி போட்டுக் கொண்டு முன்னேற முயற்சிக்கலாம். ஆனால், அதுவே பொறாமையாக மாறிவிடக்கூடாது. பொறாமை என்னும் புற்றுநோய் நம்மை பற்றி கொண்டு விட்டால் அதுவே நமக்கு ஒரு சாபக்கேடு. அது ஒரு மன நோய்.நம் அழிவிற்கான ஒரு அறிகுறி. இதனை உணர்ந்து வாழப் பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 2019
அளவுக்கு மீறிய ஆசை, வரம்புக்கு மீறிய செல்வம், தகுதிக்கு மீறிய புகழ், தவறுகளை சுட்டிக்காட்ட முடியாத அளவில் தம் பிள்ளைகளிடம் காட்டும் அன்பும் பாசமும் அனைத்துமே ஆணவத்தின் உச்சத்தை தொடும் விஷத்திற்கு சமம். நம் வாழ்க்கையை கொஞ்சம் கொஞ்சமாக நம்மையே அறியாமல் நம்மை அழிக்கும். "Slow Poison"
Victory king alias V. Krishnamurthy
விக்டரி கிங்கின் சிந்தனைத் துளி 2018
தகுதி இல்லாத இடத்தில் அன்பை செலுத்தி விட்டேன், பாசத்தைப் பொழிந்து விட்டேன், அவர்களின் பச்சோந்தித்தனத்தை உணராமல் பழகிவிட்டு இன்று பரிதவிக்கிறேன் என்று புலம்புவதை நாம் விடுத்து இன்றாவது அதனை புரிந்து கொண்டு நம்மால் தப்பிக்க முடிந்ததே என்று எண்ணி வாழ பழகி விட்டால் நம் மன அழுத்தம் நீங்கி மகிழ்வுடன் வாழ ஏதுவாகும்.
Victory king alias V. Krishnamurthy
விக்டரி கிங்கின் சிந்தனைத் துளி 2017
ஊரு விட்டு ஊரு சென்று ஊன்றுகோல் கிடைத்தவுடன் உறவுகளை உதறித் தள்ளலாகாது. அயல்நாடு சென்றாலும் நாம் பிறந்து வளர்ந்த தாய் நாட்டை மறக்கலாகாது. நமக்கு என்னதான் அந்தஸ்து வந்தாலும் நம்மை பெற்றெடுத்து போற்றி வளர்த்த பெற்றோரையும் குடும்பத்தையும் புறக்கணிக்கலாகாது. இவைதான் நாம் நம் மனசாட்சியிடம் கேட்கும் அன்பு பரிசாக இருக்க வேண்டும்.
Victory king alias V. Krishnamurthy
விக்டரி கிங்கின் சிந்தனைத் துளி 2016
சமையல் சரியாக வரவில்லை என்று ஆத்திரத்தில் பாத்திரத்தை போட்டு உடைத்தால் நமக்குத்தான் பொருள் நஷ்டம். அதற்கான காரணத்தை உணர்ந்து அமைதியாக செயல்பட்டால் அதனை சரி செய்து விட முடியும். அதுபோல்தான் நாம் எந்த செயலில் ஈடுபட்டாலும் நாம் ஆத்திரப்படுவதை விடுத்து அமைதியாக சிந்தித்து மனதை ஒருமைப்படுத்தி செயல்பட்டால்தான் அவை சிறப்பாகவும் நேர்த்தியாகவும் அமையும். உணர்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2015
சிரித்துப் பேசி அடுத்தவர்கள் சிந்தனை தம்பக்கம் இழுத்து அவர்களை ஏமாற்றுவதும், நீலிக்கண்ணீர் வடித்து அடுத்தவர்கள் பரிதாபத்தை பெற்று அவர்களை ஏமாற்றுவதும் ஒரு பச்சை துரோகச் செயல். எத்தனக்கும் எத்தன் இவ்வையகத்தில் உண்டு என்பதை உணர்ந்தால் உண்டு நல்வாழ்வு இவர்களுக்கு. இல்லையேல் இவர்கள் வாழ்க்கை சிதைவதிலிருந்து தப்பவே முடியாது.
Victory king alias V. Krishnamurthy
விக்டரி கிங்கின் சிந்தனைத் துளி 2014
இயற்கையை நாம் மதித்து அது வளம் பெறச் செய்யும் சூழலை நாம் ஏற்படுத்திக் கொடுத்தால்தான் இயற்கையும் நம்மை பேணி பாதுகாக்கும். அதுபோல் நாமும் ஒருவரை ஒருவர் பரஸ்பரம் மதித்தால்தான் நம் மதிப்பை நாம் காப்பாற்றிக் கொள்ள முடியும். வாழ்க்கையும் இனிமையாகும். மற்றவர்கள் நம்மை மதிக்காத இடத்தை நாம் புறம் தள்ளி வைத்தாலே நம் மதிப்பிற்கு பங்கம் விலையாது. எனவே மதிப்பிற்கான மரியாதையை கொடுத்து மகிழ்ந்து வாழ்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2013
"கழுதைக்கு தெரியுமா கற்பூர வாசனை" அதுபோல்தான் பண்பற்ற நன்றி கெட்ட மனிதர்களுக்கு அன்பைப் பற்றியும் பாசத்தை பற்றியும், உறவுகளின் புனிதத்தைப் பற்றியும் தெரிவதற்கு வாய்ப்பில்லை. அவர்களுக்குத் தெரிந்ததெல்லாம் சுயநலம் மட்டும்தான். எனவே அவர்களை புறந்தள்ளி வாழ்வதே நமக்கு நல்லது.
Victory king alias V. Krishnamurthy
விக்டரி கிங்கின் சிந்தனைத் துளி 2012
காரண காரியத்திற்காக நம்மோடு உறவாடாமல் நாம் வாழ்ந்தால் மனமார வாழ்த்தி மகிழ்ந்தும், வீழ்ந்தால் கரம் நீட்டி நம்மை தூக்கிவிட முனைந்து நம் முன்னேற்றத்திற்கு உறுதுணையாக இருந்தும், இறுதி வரை நம்மோடு பயணித்து பக்கபலமாக அமையும் உறவுகளே உணர்வு பூர்வமான உண்மையான உறவுகள்.
Victory king alias V. Krishnamurthy
விக்டரி கிங்கின் சிந்தனைத் துளி 2011
புத்தக அறிவை வைத்துக்கொண்டு, தங்கள் கற்பனை வளத்தையும் சேர்த்து மிகைப்படுத்தி அடுத்தவர்களுக்கு உபதேசம் செய்பவர்களை விடுத்து அனுபவ அறிவை கொண்டு நம் நலம் விரும்பிகள் கூறும் அறிவுரைகளில் உள்ள யதார்த்தத்தை நாம் ஏற்றுக் கொண்டால் நம் வாழ்க்கை நலம் பெறும். சிந்திப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 2010
சோகத்தையும் துக்கத்தையும் இதயம் அடக்க முயற்சிக்கலாம் உதடுகள் துடித்து சிரிக்க முயலலாம். ஆனால் கண்கள் மட்டும் கலங்கி நின்று நம்மை காட்டிக் கொடுத்து விடும். அதுபோல் நாம் செய்த எந்த குற்றத்தையும் தவறையும் கண்களால் மறைக்க முடியாது. மனசாட்சி நம்மை உறுத்தி பீதியில் நம் கண்களே நம்மை காட்டி கொடுத்து விடும்!
Victory king alias V. Krishnamurthy
விக்டரி கிங்கின் சிந்தனைத் துளி 2009
படித்து விட்டோமே என்ற இறுமாப்பில் அலட்டுவது, பணம் படைத்து விட்டோம் என்ற மிதப்பில் பகட்டுவது, பக்க பலம் இருக்கிறது என்று ஆட்டம் போடுவது இவை எல்லாம் நம்மை அதல பாதாளத்திற்கு அழைத்துச் செல்லும் ஒரு மோக பாதைதான்.அறிவோமே!
Victory king alias V. Krishnamurthy
விக்டரி கிங்கின் சிந்தனைத் துளி 2008
நம் வாழ்க்கையில் நமக்கு புலப்படாத எண்ணற்ற ஆச்சரியங்கள் மறைந்திருக்கிறது. காத்திருக்க பழகி விட்டால் அந்த ரகசியங்கள் ஒவ்வொன்றாக நாடி வந்து நம்மை பரவசிக்க செய்யும். எனவே நிகழ்வதை ரசித்து வருவதை ஆர்வத்துடன் எதிர்பார்த்து மகிழ்ந்து வாழ்ந்தால் வாழ்க்கையே வசந்தம் தான்.
Victory king alias V. Krishnamurthy
விக்டரி கிங்கின் சிந்தனைத் துளி 2007
தாயிற் சிறந்ததொரு கோயிலும் இல்லை பெற்ற பிள்ளைகளை பாரபட்சம் இல்லாமல் வளர்க்கும் வரை. மங்கையராய் பிறப்பதற்கு மாதவம் செய்திடல் வேண்டும் என்ற பெருமைமிக்க மாதர்கள் அத்தவத்தின் மகிமையை நிலைநாட்டும் வரை. பெண்ணுரிமை என்று தங்களை தாங்களே தாழ்த்திக் கொள்ளாமல் உரிமை என்பது அனைவருக்கும் பொது என்பதை மனதில் கொண்டு இந்த மகளிர் தினத்தை மங்களகரமாக கொண்டாட மனமார வாழ்த்தும்...
Victory king alias V. Krishnamurthy
விக்டரி கிங்கின் சிந்தனைத் துளி 2006
அன்போடும் பண்போடும் பாசத்தோடும் பெற்றோர்கள் அரவணைப்பில் வளரும் பிள்ளைகள் உள்ள குடும்பத்தில் ஒற்றுமை என்ற ஓங்காரம் ஒலித்தால் மட்டுமே குடும்பம் தழைத்து குதூகலத்துடன் கலகலப்பாக அமைவதோடு உறவுகளும் ஒன்றுபட்டு அந்த குடும்பத்தை உறுதிப்படுத்தும்.
Victory king alias V. Krishnamurthy
விக்டரி கிங்கின் சிந்தனைத் துளி 2005
நாம் சந்தர்ப்பத்திற்கு தகுந்தாற்போல் பொய்களை பேசி உண்மை போல் சித்தரித்து மற்றவர்களை ஏமாற்றி துரோகம் செய்து மகிழலாம். அனைத்திற்கும் நம் மனசாட்சியே ஒரு நாள் மீள முடியாத துன்பத்தை கொடுத்து நரக வேதனையை அனுபவிக்கும் தண்டனையிலிருந்து நாம் தப்பவே முடியாது. 'கெடுவான் கேடு நினைப்பவன்' உணர்ந்தால் உண்டு நல்வாழ்வு.
Victory king alias V. Krishnamurthy
விக்டரி கிங்கின் சிந்தனைத் துளி 2004
ஒரு செயலை இஷ்டப்பட்டு ஈடுபாட்டுடன் செய்யும் பொழுதுதான் அதில் ஒரு முழுமை கிடைக்கும். பராமரிக்காத பயிர் வகைகளும், பயன்படுத்தாத பொருட்களும், பாசத்தோடு வளர்க்காத பிள்ளைகளது வாழ்க்கையும் பாழ்தான். ஈடுபாடு என்று ஒன்று இருந்தால்தான் இவற்றைக் களைத்தெறிந்து வாழ்க்கையில் வெற்றி பெற முடியும்!
Victory king alias V. Krishnamurthy
விக்டரி கிங்கின் சிந்தனைத் துளி 2003
கெட்டுப்போன உணவை குப்பையில் கொட்ட வேண்டியதுதான். அதுபோல் கடந்த காலத்தில் எதிர்மறையாக நிகழ்ந்த செயல்களை மனதில் இருந்து தூக்கி எறிந்தால்தான் எதிர்காலத்தைப் பற்றி நாம் செவ்வனே சிந்தித்து நிகழ்காலத்தை மகிழ்வுடன் கடத்த ஏதுவாகும். எனவே 'காற்றுள்ள போதே தூற்றிக்கொள்' என்ற பழமொழிக்கு ஏற்ப நமக்கு கிடைத்த இந்த வாழ்க்கையை நம் உயிருடன் இருக்கும் வரை செம்மைப்படுத்தி வாழ முயல்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2002
நம் எதிரிகளை கூட மன்னித்து ஒரு கட்டத்தில் நட்பு வட்டத்தில் கொண்டு வருவது சாத்தியம். நம்பிக்கை துரோகிகளுக்கு மன்னிப்பு என்பதே கிடையாது. அவர்களுக்கு நம்ம இதயத்தையே கொடுத்தாலும் நம் முதுகில் குத்துவதில்தான் குறியாக இருப்பார்கள். நம்பிக்கை துரோகம் என்பது கொலை குற்றத்துக்கு சமம். எனவே அத்தகைய கொடூர குணம் கொண்டவர்களிடமிருந்து காத தூரம் தள்ளி இருந்தால் மட்டுமே நாம் தப்ப முடியும் என்பதை மனதில் கொண்டு வாழ்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 2001
கூட இருந்தே குழி பறிக்கும் துரோகிகளை நாம் இனம் கண்டு கொள்ளாது இருந்ததையாவது ஏற்றுக் கொள்ளலாம். ஆனால் குழி பறித்த பிறகும் கூடவே இருந்து துரோகம் செய்யும் துரோகிகளையும் நாம் இனம் கண்டு கொள்ளவில்லை என்றால் நம்மை இறைவனால் கூட காப்பாற்ற முடியாது. நாம் விழித்தெழுந்தால்தான் நமக்கு விடிவு மோட்சம்.
Victory king alias V. Krishnamurthy
விக்டரி கிங்கின் சிந்தனைத் துளி 2000
மலர் தோட்டங்களை நன்கு பராமரித்து பாதுகாத்தால்தான்அவை வண்ண மலர்களால் அலங்கரித்து நம்கண்ணிற்கு குளுமையையும் இதயத்திற்கு இதமான சுகத்தையும் அளிக்கும்.அதுபோல் இறைவன் நமக்கு அளித்த வாழ்க்கை என்னும் சோலையை பூங்காவனமாக்குவதும் பாலைவனமாக்குவதும் நமது எண்ணங்களிலும் செயல்களிலும்தான் உள்ளது. எனவே நல்லதையே எண்ணி நற்செயல்களால் வாழ்க்கையை அலங்கரித்து அதை ஒரு பூங்காவனமாக மாற்ற முயல்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 1199
அன்பைப் பகிர்ந்தால்தான் பாசம் மலரும். ஆசையை வெளிப்படுத்தினால்தான் விரும்பியது கிடைக்கும். இயற்கை ரசித்தால்தான் இதயத்திற்கு சுகம். ஈகோவை விடுத்தால்தான் இயல்பான வாழ்க்கை. உண்மையை உணர்ந்தால்தான் உறவுக்கு வலிமை. யதார்த்தமாக வாழ்ந்து நம் வாழ்க்கை மலர இவற்றினை கடைபிடித்துதான் பார்ப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 1198
ஏதோ பிறந்து விட்டோமே வாழ்ந்துதானே ஆக வேண்டும் என்று வாழ்ந்தால் வாழ்க்கையே ஒரு சுமைதான். எனவே நமக்கு கிடைத்த இந்த வாழ்க்கை மீண்டும் கிடைக்கப் போவதில்லை. இது நமக்கு கிடைத்த ஓர் அரிய வாய்ப்பு என்று எண்ணி முழுமையாக முனைந்து வாழ நாம் முயற்சித்து விட்டால் நம் வாழ்க்கையே ஒரு சொர்க்கம் ஆகிவிடும். சிந்திப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 1197
நம்மால் முடியும் என்ற தாரக மந்திரத்தை மனதில் கொண்டு, விழுந்தால் எழுவேன் என்ற தீவிர தன்னம்பிக்கையோடு அடுத்தவர்களை எதிர்பாராமல் வாழ்க்கை என்னும் ஏணியில் ஏறிச் சென்றால் வெற்றி என்பது நிச்சயம். குழந்தைகள் அழுது அடம் பிடிக்கும் அதற்கு வேண்டியது கிடைக்கும் வரை. அதுபோல் நாம் எண்ணிய இலக்கை அடையும் வரை பிடிவாதமாக இருந்து தன்னம்பிக்கையோடு முயற்சி என்ற உந்துவிசையை உற்சாகத்தோடு செயல்படுத்தி நம் இலக்கை எட்டிப்பிடித்து வெற்றி பெறுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 1196
நாம் தொலைபேசியில் ஒருவரை அழைக்கும் பொழுது நம் அழைப்பை பார்த்துவிட்டு மற்றவர்களிடம் கொடுத்து 'தான்' இல்லை என்று சொல்ல சொல்வதும் அப்படியே அவரே அந்த அழைப்பை ஏற்று விட்டால் பிஸியாக இருக்கிறேன் பிறகு கூப்பிடுகிறேன் என்று சொல்வதுமான உறவுகளை விட யார் நம்மை அழைத்து மனது சரியில்லை அதனால் தான் பேசுவதற்காக கூப்பிட்டேன் என்று கூறும் உறவுகள்தான் உண்மையான ஆத்மார்த்தமான உறவுகள். எதையுமே நம்மிடம்எதிர்பார்க்காமல் நம்மை உயிருள்ளவரை நேசிக்கும் அன்பு உள்ளங்கள்.
Victory king alias V. Krishnamurthy
விக்டரி கிங்கின் சிந்தனைத் துளி 1195
உறவுகள் மெய்ப்பட வேண்டும் என்றால் உள்ளங்கள் ஒருமித்ததாக இருக்க வேண்டும். நன்மையோ தீமையோ இன்பமோ துன்பமோ பகிர்ந்து பாசத்தை பசை போல் ஒட்டி ஒருவருக்கொருவரை பிரிக்க முடியா வண்ணம் வாழ்ந்து காட்ட வேண்டும். மற்ற உறவுகள் எல்லாம் ஒரு "கானல்நீர்" தான்.
Victory king alias V. Krishnamurthy
விக்டரி கிங்கின் சிந்தனைத் துளி 1194
நாம் செய்த நன்மைகள், தான தர்மங்கள், புண்ணியங்கள் அனைத்தும் எப்படி தக்க சமயத்தில்நம்மை நாடி வந்து காப்பாற்றி வாழ்க்கையை வளம்பெறச் செய்யுமோ இதுபோல் நாம் செய்யும் துரோகங்களையும் காலம் கணக்கில் வைத்து நாம் எங்கு ஓடி ஒளிந்தாலும் தேடிவந்து மீள முடியாத துயரத்தை தண்டனையாக கொடுத்தே தீரும். தப்பவே முடியாது என்பதுதான் நிதர்சனம்.
Victory king alias V. Krishnamurthy
விக்டரி கிங்கின் சிந்தனைத் துளி 1193
சோகமும் ஒருநாள் சுகமாகலாம், கவலைகளும் ஒருநாள் கலைந்து செல்லலாம், இரவும் பகலும் மாறி மாறி வருவது போல்தான் வாழ்க்கையில் நன்மையும் தீமையும். எனவே நம் உயிரே நமக்கு நிரந்தரம் இல்லாத நிலையில் எதுவுமே நிரந்தரமானது கிடையாது என்பதை உணர்ந்து வாழ்ந்தால் நிம்மதியாக வாழ்க்கையை கடந்து செல்லலாம்.
Victory king alias V. Krishnamurthy
விக்டரி கிங்கின் சிந்தனைத் துளி 1192
பொய் சொல்லியே அடுத்தவர்களை கெடுத்து ஏமாற்றிப் பிழைத்தல், மனசாட்சியே இல்லாமல் அடுத்தவர்களுக்கு துரோகம் செய்தல் போன்ற பாவ காரியங்களை செய்பவர்கள் நன்றாகத்தான் இருக்கிறார்கள் என்று எண்ண வேண்டாம். காலதேவன் கணக்கிலிருந்து அவர்கள் தப்பவே முடியாது. செய்த பாவம் அனைத்திற்கும் தாங்க முடியாத துயரத்தை அவர்கள் வாழ்க்கையில் அனுபவித்தே ஆக வேண்டும் என்பதுதான் நியதி.
Victory king alias V. Krishnamurthy
விக்டரி கிங்கின் சிந்தனைத் துளி 1191
உறவுகளையும் சுற்றத்தையும் அக்கம் பக்கத்தில் உள்ளவர்களையும்அண்ட விடாமல் சுயநல செருக்கில் மற்றவர்களை மதிக்காது மட்டுமில்லாமல் அடுத்தவர்களுக்கு கேடு நினைப்பவர்களின் நிலை கிளைகளை எல்லாம் வெட்டப்பட்ட யாருக்கும் பயன்படாத பட்டமரத்திற்குத்தான் சமம்.
Victory king alias V. Krishnamurthy
விக்டரி கிங்கின் சிந்தனைத் துளி 1190
பெற்றோர்களால் நல்லவற்றை சொல்லிக் கொடுத்து வளர்க்கப்பட்ட பிள்ளைகளும், தவறு செய்யும் பொழுது தட்டி கேட்டு வளர்ந்த பிள்ளைகளும் புடம் போட்ட தங்கம் ஜொலிக்கும் ஆபரணங்களாக திகழ்வது போல் வாழ்க்கையில் வசந்தத்தை அனுபவிப்பார்கள். தம் பிள்ளைகளின் வாழ்வு மலர பெற்றோர்கள் இதை உணர்ந்தாலே போதும்!
Victory king alias V. Krishnamurthy
விக்டரி கிங்கின் சிந்தனைத் துளி 1189
நாம் வாழ்க்கையில் உறவுகளுடன் ஒருவருக்கொருவர்புரிதல் என்ற துடுப்போடு பயணித்தால் மட்டுமே உறவுச் சங்கிலி விடுபடாமல் அமைதியுடனும் மகிழ்வுடன் இறுதி வரை பயணிக்க முடியும். இல்லையேல் துடுப்பை இழந்த படகில் பயணம் செய்வது போல் தத்தளிக்கும் நிலை தான் வரும். எனவே உறவுகளை மதித்து வலுப்படுத்தி வாழப்பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 1188
எந்த விஷயமாக இருந்தாலும் நாம் பொறுமையை இழக்காமல் அமைதியையும் நிதானத்தையும் கடைபிடித்து சிந்தித்தால், அந்த விஷயத்தில் உள்ள சிக்கல்களில் இருந்து விடுபட்டு ஒரு தெளிவு பிறக்கும். பிரச்சனைகளே இல்லாமல் வாழ்வதுதான் சந்தோஷம் என்பதை மனதிலிருந்து நீக்கி, எதுவாக இருந்தாலும் நம்மால் சமாளிக்க முடியும் என்ற மனப்பக்குவத்தை பெற்று வாழப் பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 1187
நாம் சுறுசுறுப்பாக இயங்கும் பொழுதுதான் உற்சாகத்துடனும் உத்வேகத்துடனும செயல்படுவதுடன் நமக்கு முகத்தில் ஒரு பொலிவும் கிடைக்கிறது, மின்மினி பூச்சி பறக்கும் போது ஜொலிப்பது போல.எனவே நாம் ஆரோக்கியமாக வாழ தேன் பூச்சிகள் போல் எப்பொழுதும்சுறுசுறுப்பாக இயங்க வேண்டும்.
Victory king alias V. Krishnamurthy
விக்டரி கிங்கின் சிந்தனைத் துளி 1186
அடுத்தவனுக்கு கிடைத்தது நமக்கு கிடைக்கவில்லையே என்ற ஏக்கத்தில், நமக்கு கிடைத்ததையும் கோட்டை விட்டுவிடாமல், நமக்குக் கிடைத்ததை மகிழ்வுடன் ஏற்று, ஆக்கபூர்வமாக செயல்பட்டால் நாம் விரும்புவது மேன்மேலும் நம்மை வந்தடையும். முதலில் நம்மை நாமே ரசிக்க கற்றுக் கொண்டால்தான் நமக்கு கிடைத்ததை நம்மால் ரசிக்க முடியும்!
Victory king alias V. Krishnamurthy
விக்டரி கிங்கின் சிந்தனைத் துளி 1185
நாம் சாதிக்கத்தான் பிறந்தவர்கள் என்பதை நம் ஆழ்மனதில் நிறுத்தி, நேர்மறை எண்ணங்களோடு, வாய்ப்புக்காக காத்திருக்காமல் நாம் செய்ய நினைக்கும் செயல்களை மட்டும் செவ்வனே செய்தால், நமக்கு கிடைக்க வேண்டியது நிச்சயம் கிடைக்கும். மனம் இருந்தால் மார்க்கம் உண்டு!
Victory king alias V. Krishnamurthy
விக்டரி கிங்கின் சிந்தனைத் துளி 1184
அன்பைக் காட்டத் தெரிந்தால் அனைவரது உள்ளத்திலும் இடம் பெறலாம். பாசத்தை பகிர்ந்தால் பகைமையை வெல்லலாம். சிரிக்கத் தெரிந்து விட்டால் சோகத்தை முறியடிக்கலாம். சாதிக்க தெரிந்து விட்டால் தடை கற்களையும் நடை கற்களாக மாற்றி முன்னேறலாம். செயலில் ஈடுபாடு இருந்தால் சுமையும் ஒரு சுகமே. மொத்தத்தில் இப்படியாக வாழத் தெரிந்து விட்டால் வாழ்க்கையே சொர்க்கம் தான்!
Victory king alias V. Krishnamurthy
விக்டரி கிங்கின் சிந்தனைத் துளி 1183
அகந்தையில் உறவுக்கும் வயதிற்கும் மரியாதை கொடுக்காதவர்களிடமிருந்து ஒதுங்கி இருப்பதும், அவர்கள் இருக்கும் இடத்திற்கு நாம் செல்லாது இருப்பதும்தான் நமக்கு மரியாதை. அடுத்தவர்களுக்காக நாம் நம் பண்பை விட்டுக்கொடுக்காமல் நாம் நாமாக இருந்து விட்டாலே போதும். நம் மரியாதையை நாம் காப்பாற்றிக் கொள்ள முடியும்!
Victory king alias V. Krishnamurthy
விக்டரி கிங்கின் சிந்தனைத் துளி 1182
ஒரு குடும்பத்தில் ஆண் பிள்ளைகள் இருந்தால் அவர்கள் சகோதரிகளுக்கு சீர் என்ற பெயரில் பொங்கல் திருநாளுக்கு பொருள்களோ அல்லது பணமோ கொடுப்பதைஒரு சம்பிரதாயமாக முற்காலத்தில் இருந்து செய்து வருவது அந்த குடும்பத்தின் உறவு செங்கலியை வலுப்படுத்துவதற்காகத்தான். ஆண் பிள்ளைகள் இல்லாத வீட்டில் பெற்றோர்களே இதை செய்து வருவார்கள். இது போன்ற பாசத்தோடு பிணைந்த வழக்கங்கள் எழுதப்படாத ஒரு உயில் தான். இது ஒரு உதாரணம் தான். இன்றைய இளைய தலைமுறைகள் உணரட்டுமே!
Victory king alias V. Krishnamurthy
விக்டரி கிங்கின் சிந்தனைத் துளி 1181
குடும்பத்தில் உள்ள அனைவரும் ஒன்று சேர்ந்து குதூகளிக்கும் ஒரு சந்தர்ப்பம்தான் தீபாவளி பொங்கல் போன்ற பண்டிகை நாட்கள். எனவே இந்த போகி பொங்கல் பண்டிகையை நம் மனதிற்கு இனிய நாளாக்கி அனைவரும் போகி பொங்கல் உழவர் திருநாளை மகிழ்வோடு கொண்டாட மனமார வாழ்த்தும்...
Victory king alias V. Krishnamurthy
விக்டரி கிங்கின் சிந்தனைத் துளி 1180
நம் முன்னேற்றத்திற்கு மூல காரணமாக இருந்தவரை நம் வாழ்நாள் முழுவதும் மறக்காமலும், நமக்கு சிறு உதவி செய்தாலும் அவர்களுக்கு நன்றி சொல்லியும், நாம் செய்தது தவறு என்று தெரிந்தால் மன்னிப்பு கேட்பதும் ஆகிய பண்புகள் நம் ஆழ்மனதில் பதிந்து விட்டால் நாம் இருக்கும் வரையிலும் இறந்த பிறகும் நமக்குள்ள மரியாதை நிலைத்து நிற்கும் என்பதை மனதில் கொண்டு வாழ்வோமே!
Victory king alias V. Krishnamurthy
விக்டரி கிங்கின் சிந்தனைத் துளி 1179
விழுந்தவன் தானே எழுந்தால், அது தன்னம்பிக்கை. எழுந்தவன் நடந்தால், அது முயற்சி. நடந்தவன் முன்னோக்கி சென்று கொண்டே இருந்தால், அது விடாமுயற்சி. அதன் பலன்தான் அவன் அடைய நினைக்கும் இலக்கு. நம்மால் எதுவும் முடியும் என்ற நேர்மறை சிந்தனை நமக்கு இருந்தாலே, வாழ்க்கையில் நாம் சாதிக்க நினைக்கும் அனைத்தும் அடைவது சாத்தியமே!
Victory king alias V. Krishnamurthy
விக்டரி கிங்கின் சிந்தனைத் துளி 1178
நாம் என்னதான் அன்பையும் பாசத்தையும் அள்ளி அள்ளி கொடுத்தாலும், நாம் உழைப்பால் உயர்ந்தால் பொறாமையில் தூற்றுவதும், நம் நிலை சற்று தாழும் பொழுது நம்மை எள்ளி நகையாடுதலும் கொண்ட நட்பிலிருந்தும் சுற்றத்திலிருந்தும் சற்று நாம் தள்ளி இருந்தால்தான் நமக்குப் பெருமை!
Victory king alias V. Krishnamurthy
விக்டரி கிங்கின் சிந்தனைத் துளி 1177
நம் இரக்க குணத்தால் ஏமாறும் பொழுதுதான் தெரிகிறது நாம் பச்சோதிகளிடமும் வஞ்சகர்களிடமும் முட்டாள்தனமாக பழகிவிட்டோமே என்று. எனவே நமது இரக்க குணத்தை நன்கு பயன்படுத்தி நம்மையே பலிகடா ஆக்கும் நயவஞ்சகர்களையும் துரோகிகளையும் இனம் கண்டு நம் ஈகை குணத்தை தக்க வைத்து வாழப் பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 1176
உலகிலேயே மிக சிறந்த தானம் மற்றவர்கள் பசியை போக்கும் அன்னதானம். மற்றவர்கள் உயிரைக் காக்கும் ரத்த தானம், உடல் உறுப்புகள் தானம். மற்றவர்களுக்கு கண்ணொளியை கொடுக்கும் கண்தானம். இவைகள் அனைத்தையுமே நாம் நிதானத்துடன் சிந்தித்து செயல்படுத்தினால் அதுதான் நம் மனிதாபிமானம். சிந்திப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 1175
பிள்ளைகளை பெற்றெடுத்த பெற்றோர்களில் யாராவது ஒருவர் ஆணவத்திற்கு அடிமையாகிவிட்டால் அழியப்போவது பிள்ளைகளின் வாழ்க்கை மட்டுமல்ல ஒட்டுமொத்த குடும்பமும்தான். அடுத்த நிமிடம் நாம் இருப்போமா என்ற நிலையற்ற வாழ்க்கையில் இருக்கும் வரை அகங்காரம் ஆணவம் தற்பெருமை கோபம் போன்ற குப்பைகளை தவிர்த்து குடும்பத்தை குதூகலமாக்கி வாழ பழகுவோமே!
Victory king alias V. Krishnamurthy
விக்டரி கிங்கின் சிந்தனைத் துளி 1174
நம் வாழ்க்கையில் நல்ல பல மாற்றங்கள் ஏற்பட வேண்டும் என்று எண்ணுவதில் தவறில்லை. ஆனால் நாம் எடுக்கும் முடிவுகளினாலும்அதற்கான முயற்சிகளினாலும் மட்டுமே அந்த மாற்றத்தை அடைய முடியும் என்பதை நாம் உணர்ந்தாலே போதும். நாம் எதிர்பார்த்த மாற்றங்கள் நம்மை தேடி வரும்.
Victory king alias V. Krishnamurthy
விக்டரி கிங்கின் சிந்தனைத் துளி 1173
நாம் நம் உற்றார் உறவினர் நட்புக்களை வீட்டிற்கு அழைத்து அன்புடன் உபசரித்து உணவு அளித்தால் அது விருந்து. அது நட்பிற்கும் பண்பிற்கும் இலக்கணம். மற்றவர்கள் பசியை உணர்ந்து முகம் சுளிக்காமல் மனமுவந்து கருணையோடு உணவளித்தால் அது தர்மம். பண்போடு கலந்த நட்பும் தர்மமும் தான் நம்மையும் காத்து நம் தலைமுறையையும் காப்பாற்றும்.
Victory king alias V. Krishnamurthy
விக்டரி கிங்கின் சிந்தனைத் துளி 1172
நாம் பிள்ளைகளை வளர்க்கும் பொழுது சொல்லிக் கொடுப்பதை விட செயலில் செய்து காட்டுவதை அவர்கள் மனதில் நன்கு பதிந்துவிடும். ஒரு நிலையில் நாம் சொல்லிக் கொடுக்கும் பொழுது அது அவர்களுக்கு எரிச்சலைக் கூட உண்டாக்கிவிடும். ஆனால் நாம் நன்கு வாழ்ந்து காட்டி விட்டால், தானும் அது போல் வாழ வேண்டும் என்ற உத்வேகத்தைப்பெற்று, தாமும் நன்றாக வாழ்ந்து நம் வளர்ப்பின் பெருமையையும் நிலை நாட்டி விடுவார்கள். முயற்சிப்போமே!
Victory king alias V. Krishnamurthy
விக்டரி கிங்கின் சிந்தனைத் துளி 1171
தோல்வி என்பது அந்த செயலில் உள்ள குறைகளை நிவர்த்தி செய்வதற்கான எச்சரிக்கை என்று எடுத்துக் கொண்டு, அதனை கவனமாக செய்து அச்செயிலில் வெற்றி பெரும்பொழுது, நாம் அடக்கத்தை அகற்றிவிட்டு ஆணவத்தில் திளைப்போமேயானால் அச்செருக்கின் பலன் தொடர் தோல்வியே. தன்னடக்கம் இருந்தால் மட்டுமே தொடர்வெற்றி தானே வரும். சிந்திப்போமே!
Victory king alias V. Krishnamurthy
