🥰விக்டரி கிங்கின் சிந்தனைத்துளி 2354🥰
ஒருவரிடம் நமக்கு எவ்வளவு உரிமை உள்ளது என்று அவர்கள்தான் தீர்மானிக்க வேண்டும். அதை நாமே தீர்மானித்து விட்டால் அது ஒரு வேலை நமது கற்பனையாக மட்டும் இருந்து விட்டால் பிறகு அதனால் ஏற்படும் அவமானங்களையும் இழப்புகளையும் நம்மால் ஜீரணிக்க முடியாதாகிவிடும். எனவே ஒருவருக்கொருவர் பரஸ்பரம் உள்ளங்களும் எண்ணங்களும் ஒன்றுபட்டால் மட்டுமே அங்கே உரிமைக்கு உயிர்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2353🥰
நச்சுப் பம்பை கூட நம்பலாம். அதற்கு நம்மால் இடையூறு வரும்பொழுது தான் நம்மை தீண்ட முயலும். ஆனால் நம்முடனையே இருந்து சிரித்து சிரித்து பேசி அவர்களுக்கு நம்மால் காரியம் முடிந்தவுடன் நம்மை உதாசீனப்படுத்தும் துரோகிகள் ஒரு நிலையில் நம்மை நம் கையாலேயே அழித்துவிடவும் தயங்க மாட்டார்கள். இதை உணர்ந்து பழகினால் மட்டுமே நாம் தப்பிப்போம்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2352🥰
சில உறவுகள் யோசித்துப் பேச வைக்கும். சில உறவுகள் பேசியதை யோசிக்க வைக்கும். சில உறவுகள் பேசவே யோசிக்கும்.இப்படி இல்லாமல் உறவுகளிடம் உண்மைகள் உறவாடி, இதயங்கள் இணைந்து,இவற்றுடன் பார்த்த மாத்திரத்தில் பரவச முகத்துடனும்"நா"நயத்துடனும் உணர்வுகள் ஒன்றுபட்டால் அங்கே உறவுகள் நிலைத்து நிற்கும். முயற்சிக்கலாமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2351🥰
தன் குற்றம் உணராதவர்கள் உணர்ந்தாலும் அடுத்தவர்கள் குற்றத்தை சுட்டிக்காட்டி தன்னை தூய்மைப்படுத்தி கொள்ள முயல்பவர்கள் எப்பொழுதும் தன் தவறுகள் அனைத்திற்கும் அடுத்தவர்கள் மேல் பழியை போட்டு தன்னை நியாயவாதியாக்கிக் கொள்ளத்தான் முயல்வார்கள். இப்படிப்பட்டவர்கள் சுபாவம் அறிந்து நாம் சுதாகரித்துக் கொண்டால் தான் வீண் பழியிலிருந்து நாம் தப்புவோம்.உஷார்!!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2350🥰
துரோகிகள் எத்தனை அழகாக மாறுவேடம் போட்டு நம்மை ஏமாற்றினாலும் ஒரு நிலையில் காலமும் சூழ்நிலையும் துரோகியின் முகத்திரையை கிழித்து ஊருக்கு வெளிச்சம் போட்டு காட்டிவிடும். ஒன்றை மட்டும் நினைவில் கொள்ள வேண்டும். நாம் செய்யும் துரோகம் சுவற்றில் அடித்த பந்து போல் தான். அதிக வீச்சுடன் வந்து நம்மையே அழித்துவிடும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2349🥰
மண் வளத்துடன் கூடிய பூமி, ஆங்காங்கே நீர் தேக்கங்களை நிலைக்கச் செயத நீர் வளம், இளைப்பாற அடர்ந்து வளர்ந்து நிழல்களை அளித்தும் அழியாத மரங்கள், பசுமை போர்வையுடன் கூடிய பயிர் வளம் இவைகளுடன்பூமித்தாயை பேணி காக் கும் கிராமத்து சூழ்நிலையே சுகம் தான். நாமும் அவ்வப்பொழுது அதனை அனுபவித்து மகிழ முயற்சிக்கலாமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2348🥰
பொய்யை மட்டுமே மூலதனமாகக் கொண்டு வாழ்க்கையை கடத்துபவர்கள் எண்ணம் ஆக்கம் இயக்கம் அனைத்துமே பொய்யாக தான் இருக்கும். இவர்களிடம் நாம் உண்மையையும் நேர்மையையும் மனிதாபிமானத்தையும் எதிர்பார்த்தால் நாம்தான் முட்டாள். எனவே இப்படிப்பட்டவர்கள் சகவாசத்தை நாம் தவிர்த்தால் மட்டுமே நம் மதிப்பை நாம் தக்க வைத்துக் கொள்ள முடியும். உணர்வோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2347🥰
இயற்கையின் மறுமலர்ச்சி காலம்"வசந்த காலம்". அதுபோல் நமக்கு"உடலில் தெம்பு'கண்களில் ஒளி, செவிகளில் கூர்மை, இவைகளுடன் கவலைகளை மறந்து நம் கனவுகள்நினைவாகி, துன்பங்கள் விலகி, இன்பங்கள் பெருகி நம் நம்பிக்கை மலர்ந்து மகிழ்வுரும் காலம் தான் நம் வாழ்க்கையின் வசந்த காலம். அதனை அடைந்து மகிழ்ந்துவாழ முயற்சிப்போமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2346🥰
"அளவுக்கு மீறினால் அமிர்தமும் விஷம்"அதுபோல்தான் அளவுக்கு மீறிய கோபம் நம் உடல் நலத்தை கெடுக்கும் அடுத்தவர்களை நம்மிடமிருந்து பிரிக்கும். அளவுக்கு மீறிய பொறுமை நம்மை நடைபிணம் ஆக்கிவிடும். எனவே நம் உணர்வுகளில் நாம் காட்டும் கட்டுப்பாடு நம் வாழ்வை சீரும் சிறப்புமாக நகர்த்திச் செல்லும் ஓர் அற்புத சக்தி. உணர்வோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2345🥰
நம் இறந்த கால வாழ்க்கையின் நிகழ்வுகளை அழிக்கவும் முடியாது சரி செய்யவும் முடியாது. எதிர்கால வாழ்க்கை கணிக்க முடியாத ஒரு கற்பனை மட்டுமே. இறந்தபின் என்ன நடக்கும் என்பதை கற்பனையில் கூட காண முடியாத ஒன்று. நிகழ்காலம் மட்டும் தான் நம் கையில். எனவே அதை நன்கு சுவாசித்து நேசித்து மகிழ்வுடன் வாழ பழகுவோமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2344🥰
நமக்கு நெருங்கிய ஒருவரைப் பற்றி புரிதல் இல்லாமல் பகை உணர்வுடனேயே வாழ்ந்து அவர் இறக்கும் தருவாயில் அவரைப் பற்றி புரிந்து அவர் இறந்தபின் அழுது ஆர்ப்பாட்டம் செய்து புலம்பி என்ன பயன்.குற்ற உணர்வு தான் மிஞ்சும். எனவேதான் ஒருவர் உயிரோடு இருக்கும் பொழுதே நம் கோப தாபங்களை விட்டு அரவணைத்து புரிதலோடு வாழ்ந்திருந்தால் இருவருமே மன அமைதியோடு இருந்திருக்கலாமே!
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2343🥰
வெளித்தோற்றத்தை மட்டும் கண்டு நல்லவன் என்று எண்ணி நட்பை வளர்த்து சிக்கலில் மாட்டி விடக்கூடாது. பசுந்தோல் போர்த்திய புலிகள் ஏராளம்."அடுத்தவரை மதித்தல், பிறருக்கு உதவி செய்ய முடியாவிட்டாலும் கேடு செய்யா திருத்தல், பிறர் குடியை கெடுக்காதிருத்தல், புறம் பேசாமை" போன்ற நற்குணங்கள் கொண்ட நல்லவர்கள் நட்பு நமக்கு கிடைத்துவிட்டால் பயமின்றி நாம் நம் வாழ்க்கைப் பயணத்தை தொடர முடியும்.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2342🥰
ஒருவர் நம்மை ஏமாற்றினால் அவர் புத்திசாலி என்றோ நாம் முட்டாள் என்றோ எடை போட்டு விட வேண்டாம். அது நாம் அவர் மீது வைத்திருந்த அசைக்க முடியாத நம்பிக்கை. அவர் நமக்கு செய்தது நம்பிக்கை துரோகம். அதன் மூலம் நாம் அறிந்து கொண்ட உண்மை "அனைவரையுமே நம்பி விடாதே". இதனை சிந்தித்து செயல்பட்டால் ஏமாற்றம் என்பது நம்மை எட்டிப் பார்க்காது.
🙏 Victory King [Alias] V. Krishnamurthy(VK)🙏
🥰விக்டரி கிங்கின் சிந்தனைத்துளி 2341🥰
நாம் நமக்கு மிகவும் நெருங்கிய ஒருவர் தவறிழைக்கும் பொழுது அவர் மற்றவர்களால் அவமதிப்பதை தவிர்க்கும் நோக்கில் மனிதாபிமானத்தோடு அவரை காப்பாற்றும் பொழுது அதை அவர் அதன் உண்மை நோக்கை புரிந்து கொள்ளாமல் மேலும் மேலும் தவறிழைக்க முனைந்தால் நாம் அவரை நேர்வழிப்படுத்த முயற்சிக்க வேண்டும் முடியவில்லை என்றால் அவரை விட்டு விலகி இருப்பது தான் நமக்கு கௌரவம்.
🙏 Victory King [Alias] V. Krishnamurthy(VK)🙏
