#Victory King : உடனே செயல்படுத்துவோம்!

 🥰விக்டரி கிங்கின் சிந்தனைத்துளி2399🥰 

நாம் ஒருவரை பார்க்க வேண்டுமென்றோ, பேச வேண்டும் என்றோ நம் ஆழ்மனதில் தோன்றினால்,  அதனை தள்ளிபோடாமல் உடனே செயல்படுத்த வேண்டும். இல்லையென்றால் அவரை நாம் பார்த்து பேச முடியாத நிலை வந்து விட்டால் அந்த மன உறுத்தலிலேயே நமது ஆரோக்கியம் வெகுவாக பாதிக்க நேரிடும். அதுபோல் ஒருவருக்கு உதவி செய்ய நினைக்கும் போது நம் மனம் மாறுவதற்குள்  உடனே செய்ய வேண்டும். மற்றவர்கள் மேல் பழி போடும் பொழுதுதான் நன்கு பலதடவை யோசித்து வார்த்தைகளை விட வேண்டும். உணர்வோமே!

🙏 Victory King  [Alias] V. Krishnamurthy(VK)🙏

#Victory King: தீபாவளி நன்னாளில்!

 🥰விக்டரி கிங்கின் சிந்தனைத்துளி2398🥰

குடும்பத்துடன் கூடி மகிழ்ந்து கொண்டாடிய இந்த இனிய தீபாவளி நன்னாள் மகிழ்ச்சியும், அயல்நாட்டில் வசிக்கும் பிள்ளைகள் பேரன் பேத்திகள் அனைவரிடமும் அலைபேசியில் அளவளாவிய சந்தோஷமும். உற்றார் உறவினர்களிடம் உளமகிழ்ந்து பரஸ்பரம் பரவசமடைந்த இந்நாளைப் போல் எந்நாளும் மகிழ்வுடன் இருக்க இறைவனை பிரார்த்திப்போமாக! இனிய தீபாவளி நல்வாழ்த்துக்களுடன்!

🙏 Victory King  [Alias] V. Krishnamurthy(VK)🙏 

#Victory King: மன அழுத்தத்தில் இருந்து விடுபட!

 🥰விக்டரி கிங்கின் சிந்தனைத்துளி2397🥰 

நாம் மன அழுத்திலிருந்து விடுபட, பாசமுள்ளவர்களுடன் பேசி பரவசமடைதல்,  கண்ணிற்கும் இதயத்திற்கும் இதமளிக்கும் நிகழ்ச்சிகளில் ஈடுபடுதல், நமக்கு மகிழ்ச்சிதரும் செயல்களில் நம்மை ஈடுபடுத்திக்கொள்ளல் போன்ற மாற்று சிந்தனையை வளர்த்துக் கொண்டால் மன அழுத்தத்தையும் தவிர்க்கலாம். நாம் ஆரோக்கியத்துடனும் மகிழ்வுடனும் வாழவும் வழிவகுக்கும். முயற்சிப்போமே!

🙏 Victory King  [Alias] V. Krishnamurthy(VK)🙏

# Victory King: இருக்கும் இடத்தைப் பொறுத்துதான் மதிப்பு!

🥰விக்டரி கிங்கின் சிந்தனைத்துளி2396🥰

இருக்கும் இடத்தைப் பொறுத்துதான் மதிப்பு. உதாரணமாக 189 இதில் 9 ன் மதிப்பு 9 தான் 8 மதிப்பு பத்தாவது ஸ்தானத்தில் இருப்பதால் என்பது. ஒன்றின் மதிப்பு 100 ஸ்தானத்தில் இருப்பதால் 100.1ன் முன் 0வை சேர்த்தால் மதிப்பில்லை.9க்கு பிறகு 0 வந்தால் மதிப்பு ஆயிரம் ஆகிவிடுகிறது. அது போல் தான்  நமக்கு கிடைக்கும் மதிப்பும் மரியாதையும் நாம் சேருமிடத்தைப் பொறுத்து தான். எனவே"குணம் நாடி குற்றம் நாடி அவற்றுள் மிகைநாடி மிக்ககொளல்"

முயல்வோமே!

🙏 Victory King  [Alias] V. Krishnamurthy(VK)🙏 

#Victory King: மூத்தோர் இருந்து சந்ததியை வழிநடத்தட்டும்!

🥰விக்டரி கிங்கின் சிந்தனைத்துளி2395🥰 

வாழை மரம் ஒரு மங்களகரமான, இதயத்திற்கு இதமளிக்கும் புனிதத்தையும் பெற்று மரத்தின் அனைத்து பாகங்களும் நம் உடலுக்கு ஆரோக்கியத்தை கொடுக்கும் அற்புத சக்தி படைத்தது. அதுபோல் குடும்பத்தில் அனுபவமிக்க நற்குணங்களுடன் மனநிறைவோடு வாழும் மூத்தோர் இருந்து தம் சந்ததியினரை வழி நடத்தும் பாக்கியம் நமக்கு கிடைத்துவிட்டால் நம் குடும்பமே சுபிட்சமாகவும் மகிழ்ச்சியாகவும் அமையும்.

🙏 Victory King  [Alias] V. Krishnamurthy(VK)🙏

#Victory King: நம்மை நாம் நம்புவோம்!

🥰விக்டரி கிங்கின் சிந்தனைத்துளி2394🥰  

பறவைகள் மரக்கிளைகளில் துணிச்சலுடன் அமர்வது அந்தக் கிளையை நம்பி இல்லை. தங்கள் சிறகுகளை நம்பி தான். அதுபோல்தான்  நம்முடைய செயல்கள் எதுவாக இருந்தாலும் சரி அடுத்தவர்களை நம்பி இறங்காமல், நம்மையும் நம் திறமையையும் மட்டுமே முழுமையாக நம்பி செயல்பட்டால்தான் அதற்கான வெற்றியை ஆத்மதிருப்தியுடன் நாம் காண முடியும்.உணர்வோமே!

🙏 Victory King  [Alias] V. Krishnamurthy(VK)🙏

#Victory King: சந்ததியினருக்கு வழிகாட்டுவோம்!

🥰விக்டரி கிங்கின் சிந்தனைத்துளி2393🥰  

தழைத்து படர்ந்து வளர்ந்த பெரிய மரங்கள் இளைப்பாற நிழல்களை கொடுத்தும், அவைகளின்காய்ந்த நிலையில் அடிமரம் தொட்டிலாகவும், கட்டிலாகவும், கிளைகள் விறகாவும் நமக்கு உபயோகமு ள்ளதாக அமைவது போல்,உரிமை உள்ள உறவும், உண்மையுள்ள அன்பும், நேர்மையுள்ள நட்பும்,கிடைத்து நம்பிக்கை உள்ள வாழ்வு நாம் பெற்று விட்டால் நாமும் இருக்கும்வரை அனைவராலும் போற்றப்பட்டும்,இறந்த பிறகும் நம் சந்ததியினருக்கு ஒரு முன்மாதிரியாகவும் விளங்குவோம்.

🙏 Victory King  [Alias] V. Krishnamurthy(VK)🙏